चिमूर प्रतिनिधी
अल्पवयीन बालकावर अत्याचार करणाऱ्या आरोपीला, वरोराच्या अतिरीक्त सत्र न्यायालयाने वीस वर्ष कारावासाची शिक्षा सुनावली. सचिन पांडुरंग मेहरकुरे असे शिक्षा सुनावण्यात आलेल्या आरोपीचे नाव आहे.
सदर घटना २५ एप्रिल २०१७ रोजी चिमूर तालुक्यातील एका गावात घडली होती.आरोपी विरुद्ध पोलीस स्टेशन चिमूर येथे दिनांक २६ एप्रिल २०१७ रोजी अप क्रं.214/2017 कलम 377,504,506 सहकलम 6,8,10 पोस्को अधिनियमा नुसार गुन्हा नोंदविण्यात आला होता . गुन्ह्याचा तपास सहाय्यक पोलीस निरीक्षक दिनेश लबडे व पो. उपनिरीक्षक मनोज नाले यांनी आरोपी विरुध्द पुरावे गोळा करून सदर गुन्हयाची कागदपत्रे न्यायदानासाठी अतिरीक्त सत्र न्यायालय वरोरा येथे दाखल केले होते.
१८ जुलै २०2४ रोज गुरुवारला अतिरीक्त सत्र न्यायालय वरोरा यांनी केसचा निकाल देताना आरोपी विरूध्द सबळ पुरावे पाहुन आरोपी सचिन पांडुरंग मेहरकुरे यास कलम 235 (2) सीआरपीसी प्रमाणे 20 वर्षे कारावासाची शिक्षा तसेच ५ हजार रूपये दंडाची शिक्षा दिलेली आहे. तरी यामध्ये सहाय्यक पोलीस निरीक्षक दिनेश लबडे, पो. उपनिरीक्षक मनोज नाले यांनी तपासी अधिकारी, कोर्ट पैरवी म्हणुन पोलीस अंमलदार अवधुत खोब्रागडे तसेच सरकारी अभियोक्ता गोविंदा उराडे यांनी सरकार पक्षाची बाजु मांडुन सदर गुन्हयामध्ये पिडीत अल्पवयीन बालकास न्याय मिळुन देणे करीता महत्वाची भुमिका बजावली आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
