गोंडपिपरी -(सूरज माडूरवार)
चंद्रपूर – गडचिरोली जिल्ह्याला जोडणारा गोंडपिपरी तालुका असल्याने मोठ्या प्रमाणात या मार्गावरून अवैध दारू,चोरबिटी,सुगंधित तंबाखू तस्करी होत असते.अशातच दि.(९) मंगळवारी गोंडपिपरी पोलिसांच्या तत्परतेने गांजा तस्करीचा भांडाफोड करण्यात आला.
अधून मधून पोलीस विभाग अवैध धंद्या विरोधात नाकाबंदी राबवत असतात.अशातच मंगळवारी ठाणेदार रमेश हत्तीगोटे,पोलीस उपनिरीक्षक मंगेश कराडे नाकाबंदी गस्तीवर असताना रात्री ३ वाजता बोलेरो गाडी क्रमांक MH 34 BG 4669 ही भरधाव वेगाने आष्टी वरून बल्लारपूर मार्गे जात असताना दिसली .संशय आल्याने छत्रपती शिवाजी चौकात सदर गाडीला थांबवुन गाडीची तपासणी केली असता गाडीमध्ये 9 किलो 770 ग्रॅम गांजा सापडला.या गांजा तस्करी प्रकरणी चालक आरोपी शेरखान आजमखान पठाण रा. बल्लारपूर याला अटक करुन सात लाख रूपये किमतीची बोलेरो गाडी व एक लाख रुपये किमतीचा गांजा असा एकुण आठ लाख रूपये किमतीचा मुद्देमल जप्त करण्यात आला.सदर कारवाई पोलीस अधीक्षक मुमक्का सुदर्शन उपविभागीय पोलीस अधिकारी शिवलाल भगत यांचे मार्गदर्शनाखाली ठाणेदार रमेश हत्तीगोटे,पोलीस उपनिरीक्षक मंगेश कराडे,पो .हवा मनोहर मते, नंदकिशोर माहुरकर,विलास कोवे,पोलीस अमलदार तिरुपती गोंडसेलवार,संजय कोंडेकर, नासिर सय्यद,प्रशांत नैताम यांनी केली आहे.कारवाई दरम्यान तहसीलदार शुभम बहाकर यांना बोलावून त्यांच्या समक्ष पंचनामा करण्यात आला.पुढील तपास सुरू आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
