चंद्रपूर :- घुग्घुस-वणी मार्गावरील राज्य परिवहन महामंडळाची सुपर व साधारण बस (सार्वजनिक बस) गेल्या एक वर्षा पासून बंद आहे.त्यामुळे शालेय विद्यार्थी, जेष्ठ नागरीक, आजारी रुग्ण, छोटे व्यावसायिक, भाजीपाला उत्पादक, दैनंदिन प्रवासी यांना समस्येचा सामना करावा लागतो.
यामुळे सर्व सामान्य जनतेला खाजगी सेवा पुरविणाऱ्या वाहनांनी प्रवास करावा लागतो व जास्त प्रवास भाडे मोजावे लागते, विद्यार्थांना टेम्पो क्लब पासून शाळेत पायी चालत जावे लागते. अशा अनेक समस्या घुग्घुस-वणी मार्गावरील नागरिकांना सहन कराव्या लागतात.
तेव्हा नागरिकांच्या समस्या लक्षात घेऊन ना. सुधीर मुनगंटीवार मंत्री वने व सांस्कृतिक कार्य व मत्स्य व्यवसाय, पालकमंत्री चंद्रपूर गोंदिया तसेच देवराव भोंगळे राजुरा विधानसभा प्रमुख तथा माजी अध्यक्ष जि.प. चंद्रपूर यांच्या अथक प्रयत्नांनी व विजय पिदुरकर माजी सदस्य जि. प. यवतमाळ यांनी केलेल्या अथक पाठपुराव्याने तसेच विवेक बोढे प्रदेश उपाध्यक्ष, भाजयुमो महाराष्ट्र यांच्या परिश्रमाला यश प्राप्त झाले.
गुरुवार, २८ डिसेंबर रोजी महाराष्ट्र राज्य परिवहन महामंडळचे अधिकारी किशोर कुळसंगे यांच्या उपस्थितीत उडानपुल बांधकाम चालू असलेल्या ठिकाणी महाराष्ट्र राज्य परिवहन महामंडळ बस चालवून परीक्षण करण्यात आले.परीक्षण पूर्ण झाल्यानंतर लवकरच नियमित बससेवा सुरू होईल.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
