भाग्यश्री तामगाडगे ठरली “सिटी मिस इंडिया” ची पहिली रनरअप

वरोरा: ऑनलाइन माध्यमातून घेण्यात आलेल्या सिटी मिस इंडिया 2023 ची पहिली रनरअप म्हणून भद्रावती येथील भाग्यश्री तामगाडगे यांची निवड करण्यात आली आहे. या स्पर्धेत प्रत्येक राज्यांमधून १ -१ असे स्पर्धक सहभागी झाले होते.भाग्यश्री तामगाडगे ही महाराष्ट्र राज्याची स्पर्धक म्हणून या स्पर्धेत सहभागी झाली होती. यापूर्वीसुद्धा भाग्यश्रीने २०२२ मध्ये चार स्पर्धेमध्ये/ भाग घेऊन त्या जिंकल्या होत्या. सदर स्पर्धेचे आयोजन आरती सौरोत यांनी तर दिग्दर्शन पायल जळगावकर यांनी केले. स्पर्धेतील या यशाबद्दल भाग्यश्री तामगाडगे यांचे सर्वत्र कौतुक होत आहे. तिला मिळालेल्या यशाबद्दल युवासेना जिल्हा प्रमुख मनीष जेठाणी,जिल्हा समनव्यक दिनेश यादव,उपजिल्हा प्रमुख महेश जीवतोडे, तालुका प्रमुख ओंकार लोढे यांनी अभिनंदन केले व पुढील वाटचालीसाठी शुभेच्छा दिल्या.