गडचिरोली:- सिरोंचा वनविभाग अंतर्गत येत असलेल्या कमलापूर वनपरिक्षेत्रात रोड सर्वे करायला गेलेल्या वनकर्मचाऱ्यांना नक्षल्यांनी बेदम मारहाण केल्याची घटना 5 जानेवारी (गुरुवारला) सायंकाळच्या सुमारास घडली. या घटनेने सिरोंचा वनविभागात एकच खळबळ उडाली असून वन कर्मचारी मोठ्या दहशतीत आहेत.
प्राप्त माहितीनुसार सिरोंचा वनविभागातील कमलापूर वनपरिक्षेत्रात येत असलेल्या आशा ते कोरेपल्ली रोड साठी सर्वे करायला 5 जानेवारी रोजी येथील वनपरिक्षेत्र अधिकारी विकास भोयर आणि क्षेत्र सहाय्यक,वन रक्षक, सर्वेअर असे एकूण 8 जण वन विभागाचे आणि इतर असे तब्बल 20 जण या परिसरात गेले होते. सायंकाळच्या सुमारास काम करून परत येत असताना नैनेर ते कपावंचा दरम्यान ही घटना घडली.विशेष म्हणजे नक्षलवाद्यांनी कर्मचाऱ्याकडे असलेले मोबाईल आणि काही वनमजुरांचे सिम कार्ड घेतल्याची माहिती आहे एवढेच नव्हे तर कर्मचाऱ्यांचे 5 दुचाकी वाहने जाळल्याची माहिती समोर येत आहे. या घटनेची माहिती मिळताच सिरोंचा वनविभागाचे उपवनसंरक्षक पूनम पाटे यांनी परिस्थिती जाणून घेत एफ आय आर दाखल केले आहे.
23 डिसेंबर रोजी याच भागातील इंद्रावती नदीच्या पलीकडे छत्तीसगड राज्याच्या हद्दीत गडचिरोली पोलीस दलाच्या सी-60 कमांडोंनी दोन नक्षल्यांना कंठस्नान घातले होते. त्यानंतर जिल्ह्यात नक्षल्यांकडून बॅनरबाजी, वाहनांची जाळपोळ तसेच वन कर्मचाऱ्यांना मारहाण केल्याची घटना घडल्याने पुन्हा एकदा नक्षली सक्रिय झाल्याचे दिसून येत आहे. कमलापूर वनपरिक्षेत्रातील बहुतांश भाग हा अतिदुर्ग आणि नक्षलग्रस्त असल्यामुळे कर्मचाऱ्यांमध्ये दहशत निर्माण झाली आहे हे विशेष.
———————
रोड साठी सर्वे करायला गेलेल्या वन कर्मचाऱ्यांना मारहाण करून 5 वाहनांची जाळपोळ करण्यात आली आहे. याबाबत काल एफआयआर दाखल केले असून कर्मचाऱ्यांची प्राथमिक उपचार करण्यात आली आहे.
पूनम पाटे, उपवनसंरक्षक वनविभाग सिरोंचा
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
