वरोरा : स्व .श्रीनिवास शिंदे मेमोरियल रवींद्र शिंदे चॅरिटेबल ट्रस्ट चंद्रपूर तथा शहरातील विविध सामाजिक संघटनांच्या माध्यमातून २६ डिसेंबरला मोफत भव्य हृदय रोग व सर्व रोग निदान शिबीर संपन्न झाले . या शिबिरात तपासणी झालेल्या रुग्णांना पुढील उपचाराकरीता वर्धा जिल्ह्यातील सावंगी (मेघे) येथील रुग्णालयात आज (दि.30) ला पाठविण्यात आले.
श्रद्धेय बाबा आमटे जयंती निमित्त २६ डिसेंबर रोजी ‘श्रद्धेय बाबा आमटे आरोग्य अभियान’ अंतर्गत वरोरा येथील साई मंगल कार्यालयात हे शिबिर संपन्न झाले या शिबिराला नागरिकांनी उत्स्फूर्त प्रतिसाद दिला.
सदर शिबिराचा जवळपास एक हजार नागरिकांनी लाभ घेतला. या शिबिरात तपासणी केलेल्या काही रुग्णांची आवश्यकतेनुसार सावंगी मेघे येथील रुग्णालयात अगदी स्वस्त दरात शस्त्रक्रिया करण्यात येणार आहेत. तसेच शिबिरात रोग निदान झालेल्या रुग्णांना स्वर्गीय श्रीनिवास शिंदे मेमोरियल रवींद्र शिंदे चॅरिटेबल ट्रस्ट चंद्रपूर द्वारा संपूर्ण मदत केल्या जाणार आहे.
श्रध्देय बाबा आमटे आरोग्य अभियानाअंतर्गत यापूर्वी खांबाडा, कोंढा, पीपरी , पिपरी (दे.) येथे आयोजित शिबीरामध्ये तपासणी झालेल्या रूग्णाची आचार्य विनोबा भावे ग्रामिण रूग्णालय, सावंगी मेघे, वर्धा येथे पुढील उपचार व शस्त्रक्रिया करण्यात आली. यामध्ये उपचार करण्यात आलेले रुग्ण शिवण नक्षिने, शिल्पा भोस्कर, पांडुरंग येरमे, महेंद्र भोंगळे, प्रणाली कुत्तरमारे यांच्या संपूर्ण उपचाराचा खर्च स्व. श्रीनिवास शिंदे मेमोरीयल रविंद्र शिंदे चॅरीटेबल ट्रस्ट, चंद्रपूर व्दारे करण्यात आला हे विशेष .
श्रध्देय बाबा आमटे आरोग्य अभियानाअंतर्गत आयोजित शिबिरात तपासणी करण्यात आलेल्या रुग्णना पुढील उपचार करीता व उत्तरीय तपासण्यासाठी आज ( (दि.30)ला द्वारा निःशुल्क बससेवेद्वारे रुग्णालयात पाठविण्यात आले . यावेळी विनोद मालू , चंद्रकांत दांडेकर , दत्ता बोरेकर, मुन्ना शेख , संजय दानव , आशिष घुमे , तुळशीदास आलाम, अभिजित टिकले , राहुल बल्की , युवराज इंगळे , अमोल लढी हे उपस्थित होते बसला हिरवी झेंडी दाखवून बस सोडण्यात आली .
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
