मारेगांव : दिवाळी हा श्रीमंतांचा सण अशी काहिसा समज प्रचलित आहे. दुर्बल आर्थिक परिस्थितीमुळे अनेकांना हा साजरा करता येत नाही. त्यामुळे समाजातील गरीबांची दिवाळी अंधारातच जाते. ही परिस्थिती बदलण्यासाठी बीड येथे कार्यरत असलेले समाजकल्याण उपायुक्त डॉ.सचीन मडावी (मूळ गाव मारेगांव) यांनी आपल्या सहपरिवार व आप्तांसह मारेगाव तालुक्यातील आदिवासी पोडावर जाऊन साजरी केली.आज भाऊबीजेला तेथील गरीब आदिवासींना फराळ व भेटवस्तू देत हा सण साजरा केला गेला.
ही प्रथा मागील सहा वर्षापासून समाजकल्याण उपायुक्त डॉ. सचिन मडावी यांनी बिरसा फाउंडेशनच्या माध्यमातून सुरू केली आहे. दरवर्षीप्रमाणे या भाऊबिजेला त्यांनी बिहाडी पोड ( कोलाम पोड) येथे आदिवासी ग्रामस्थां सोबत भेटवस्तू व फराळाचे पदार्थ देऊन साजरी केली. यावेळी डॉ.सचीन यांचेसह बिरसा फाऊंडेशनचे अध्यक्ष शंकर मडावी यांना ग्रामस्थ महिलांनी ओवाळले.
सुरूवातीला गावातून वाजत गाजत आदिवासी भाषेतील गाण्यांच्या तालावर पारंपारिक पध्दतीने आदिवासी नृत्य करीत स्त्री पुरुषांनी मिरवणूक काढली. गावकऱ्यांनी दारोदारी रांगोळ्या काढून रस्ते सजवले होते.फटाक्यांची आतिषबाजी व समूह नृत्य करीत शोभायात्रा गावातील चावडीवर पोहचली. यावेळी आयोजित मार्गदर्शन कार्यक्रमाच्या अध्यक्षस्थानी बिरसा मुंडा फाऊंडेशनचे अध्यक्ष तथा नगरसेवक शंकर मडावी होते. प्रमुख उपस्थितीतांमध्ये अखिल भारतीय आदिवासी विकास परिषदेचे अध्यक्ष प्रमोद बोरीकर , क्रांतिवीर शामा दादा कोलाम आदिवासी संघटनेचे अध्यक्ष राहुल आत्राम, यवतमाळ येथील शिक्षक तथा सामाजिक कार्यकर्ते तुषार आत्राम, सह्याद्रीचा राखणदार चे वरिष्ठ संपादक डॉ. यशवंत घुमे, सरपंच टेकाम, सरपंच मारोती गौरकार, तालुका अध्यक्ष काँग्रेसचे अध्यक्ष आनंद मसराम, पैकुजी आत्राम, शेखर वेटे, गणुजी थेरे,अरविंद वखनोर, , तसेच बिहाडी पोड गावातील सर्व ग्रामस्थ मोठ्या संख्येने उपस्थित होते. कार्यक्रमाचे संचालन तुळशीराम कुमरे आभारप्रदर्शन भास्कर टेकाम यांनी केले. गावातील महिलांना भाऊबीज निम्मित दिवाळी फराळ , किराणा सामान आणि सॅनेटरी नॅपकिन पॅकव शैक्षणिक साहित्य देऊन सन्मानित करण्यात आले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
