गडचिरोली:- राष्ट्रवादी काँग्रेसचे प्रदेश उपाध्यक्ष,माजी राज्यमंत्री तथा अहेरी विधानसभेचे विद्यमान आमदार राजे धर्मराव बाबा आत्राम यांच्या वाढदिवसानिमित्त ‘सह्यांद्रीचा राखणदार’ या साप्ताहिकातून आज 20 ऑक्टोबर रोजी “झुंजार नेतृत्व आ. धर्मराव बाबा आत्राम” विशेषांक काढण्यात आले.या विशेषांकाचे प्रकाशन स्वतः अहेरी विधानसभेचे आमदार धर्मराव बाबा आत्राम यांच्याहस्ते करण्यात आले . यावेळी राष्ट्रवादी काँग्रेसचे प्रदेश उपाध्यक्ष ऋतुराज हलगेकर, सिनेट सदस्य तथा माजी जि प अध्यक्ष भाग्याश्री आत्राम,सिनेट सदस्य तनुश्रीआत्राम,प स सदस्य हर्षवर्धन बाबा आत्राम,सामाजिक कार्यकर्ते बबलू भैय्या हकीम,माजी जि प अध्यक्ष परशुराम कुत्तरमारे,सिव्हिल कॉन्ट्रॅक्टर तथा सामाजिक कार्यकर्ते अरुण मुक्कावार,आदी मान्यवर मोठ्या संख्येने उपस्थित होते.
वाढदिवसाच्या अभिष्टचिंतन या विशेषशंकांचे विमोचन झाल्यावर आमदार धर्मराव बाबा आत्राम यांनी सह्याद्रीचा राखणदार वृत्तपत्र ,वेब पोर्टल आणि सह्याद्रीचा राखणदार वृत्तवाहिनीची भरभरून प्रसंशा केली आणि पुढील वाटचालीसाठी शुभेच्छा दिल्या .सुरुवातीला पोर्टल च्या माध्यमातून गडचिरोली जिल्ह्यातील सत्य आणि निर्भीड बातम्या देऊन विश्वासार्हता निर्माण केली.आता वृत्तपत्र आणि वृत्तवाहिनीच्या च्या रूपाने सुद्धा समोर येत आहे,ही जिल्हावासीयांसाठी आनंदाची बाब आहे.असे गौरवोद्गार आमदार धर्मराव बाबा आत्राम यांनी काढले.
माजी जि प अध्यक्ष भाग्यश्री आत्राम यांनी केले साप्ताहिकाचे कौतुक
सह्यांद्री वेब पोर्टल अत्यंत कमी काळात जिल्हावासीयांच्या मनात उतरले असून विश्वास संपादन केले आहे . आता ‘सह्यांद्रीचा राखणदार’ वृत्तपत्र आणि ‘सह्यांद्रीचा राखणदार’ वृत्तवाहिनी रूपाने समोर आले आहे. राष्ट्रवादी काँग्रेसचे प्रदेश उपाध्यक्ष, माजी राज्यमंत्री तथा अहेरी विधानसभेचे आमदार माझे बाबा यांच्या वाढदिवसानिमित्त विशेषांक प्रसिद्ध करून बाबांचा जो सन्मान व सत्कार केला त्याबद्दल सह्याद्रीचा राखणदार या साप्ताहिकाचे मी आभारी आहे.असे गौरवोद्गार यावेळी सिनेट सदस्य तथा माझी जि प अध्यक्ष भाग्यश्री आत्राम यांनी काढले. उपस्थित सर्व मान्यवरांनीही पुढील वाटचालीसाठी शुभेच्छा दिले.
