रानडुक्कराच्या हल्ल्यात शेतकरी ठार

गोंडपीपरी(सुरज माडुरवार) :- गोंडपिपरी(gonpipari) तालुक्यातील फुरडी हेटी येथील शेतकरी शेतात जाताना रानडुक्कराच्या कळपाने धडक दिल्याने शेतकऱ्याचा मृत्यू झाल्याची घटना फुरडी – हेटी गावालगत दि.(२९) शुक्रवारी घडली.
सध्या स्थितीत फुरडी हेटी ,वढोली शेतशिवारात व गावात रानडुक्करांनी हैदोस घातला आहे.गावातील नागरिकांना दहशतीत जीवन जगावे लागत आहे दररोज रानडुक्करांचे हल्ले शेतकऱ्यांवर होत आहे.
अशातच आज घरून शेतात जाताना फुरडी हेटी येथील शेतकरी अविनाश भगवान निखाडे वय (४८) सकाळी ८ च्या दरम्यान घरून निघाले थोड्या अंतरावर गावाच्या बाहेर पडताच रानडुक्कराच्या कळपाने अचानक त्यांना जबर धडक दिली.घटनास्थळी मोठ्या प्रमाणात रक्तस्त्राव होऊ लागला त्यांना लगेच ग्रामीण रुग्णालयात गोंडपिपरी दाखल करण्यासाठी नेत असताना वाटेतच प्राण ज्योत मावळली अचानक झालेल्या दुर्दैवी घटनेमुळे फुर्डी हेटी सह परिसरात हलळक व्यक्त केल्या जात आहे.शासनाने तात्काळ कुटुंबियांना मदत करावी अशी मागणी नागरिकांकडून केल्या जात आहे.