माढेळी : भारतीय जनता पक्षाचे ज्येष्ठ नेते तथा माजी केंद्रीय गृह राज्यमंत्री हंसराज भैया अहिर यांच्या वाढदिवसानिमित्त माढेळी येथे मसाला दूध वाटपाचा सामाजिक उपक्रम राबविण्यात आला. या उपक्रमातून वाढदिवसाचे औचित्य साधत आनंद वाटण्याचा आणि सामाजिक बांधिलकी जपण्याचा प्रयत्न करण्यात आला.
यावेळी माजी सरपंच देवानंद महाजन, भाजप वरोरा ग्रामीण तालुकाध्यक्ष राजेंद्र सवाई, भाजपचे ज्येष्ठ कार्यकर्ते सुनील देवतळे, अतुल वारेकर, विनोद काहुरके, वैभव देवतळे यांच्यासह ग्रामस्थ आणि भाजप कार्यकर्ते उपस्थित होते.
वाढदिवसानिमित्त आयोजित या उपक्रमाला ग्रामस्थांचा सहभाग लाभला. सामाजिक उपक्रमाच्या माध्यमातून वाढदिवस साजरा करण्याचा हा उपक्रम परिसरात चर्चेचा विषय ठरला.
