तलाठ्यांकडून पंचनामे सुरू
वरोरा : तलावाचे सोडलेले पाणी घरात घुसून नुकसान झालेल्या नागरिकांची मदत करण्यास नगरपालिका प्रशासनाने नकार दिल्यानंतर शिवसेना जिल्हाप्रमुख मुकेश जीवतोडे मदतीला धावून आले. त्यांनी लगेच उपविभागीय अधिकारी सुभाष शिंदे यांना आज मंगळवार दि १९ जुलै रोजी निवेदन देऊन पूर पुडीतांना तातडीने मदत करण्याची मागणी केली.
यानंतर उपविभागीय अधिकाऱ्यांच्या निर्देशानुसार तलाठ्यांनी पंचनामे व अहवाल तयार करणे सुरू केल्याने संबंधित नागरिकांनी समाधान व्यक्त केले आहे.
शहरातील गांधीसागर तलाव पूर्ण भरल्याने तलावात येणारे पाणी नागरिकांना कोणतीही पूर्वसूचना न देता नगरपालिका प्रशासनाने राजीव गांधी वार्डाकडे वळविलेलेल. परिणामी सदर पाणी सखल भागातील नागरिकांच्या घरात घुसून मोठे नुकसान झाले आहे. संबंधित नागरिकांनी याबाबत नगरपालिका प्रशासनाला जाब विचारून मदतीची मागणी केली.परंतु त्यांनी नकार दिल्याचा आरोप नागरिकांनी केला आहे. यानंतर नागरिकांनी शिवसेना जिल्हाप्रमुख मुकेश जीवतोडे यांना मदती करिता साकडे घातले. तेव्हा त्यांनी विषयाचे गांभीर्य लक्षात घेऊन उपविभागीय अधिकारी सुभाष शिंदे यांच्याकडे पीडितांसमक्ष निवेदन देऊन मदतीची मागणी केली. यावेळी शिवसेना शहर प्रमुख संदीप मेश्राम आणि उपशहर प्रमुख गजानन पंधरे उपस्थित होते.उपविभागीय अधिकारी सुभाष शिंदे यांनी नागरिकांची अडचण लक्षात घेऊन तलाठ्यांना ताबडतोब पंचनामे करण्याचे निर्देश दिले. पंचनाम्यानंतर सर्व नुकसानग्रस्तांना पाच हजार रुपये प्रति कुटुंब मदत दिली जाणार असल्याचे सांगितले जाते. शिवसेना जिल्हाप्रमुख मुकेश जीवतोडे यांच्या प्रयत्नामुळे नवीन वस्तीतील पूर पीडितांना मदत होणार असल्याने पीडितांनी समाधान व्यक्त केले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
