वरोरा :– वाराणसी दौऱ्याहून परतत असतांना पूर्व केंद्रीय गृहराज्यमंत्री हंसराज अहीर यांनी खांबाडा मार्गे थेट वरोरा तालुक्यातील पूरप्रभावित दिंडोरा, बाम्बर्डा, सोइट या गावांना भेटी देऊन पुरप्रभावित ग्रामस्थांशी चर्चा केली. त्यांच्या अडचणी व तक्रारी ऐकून घेतल्या. पुरामुळे उध्वस्त झालेल्या शेतपिकांची व प्रभावित घरांची सुद्धा त्यांनी पाहणी केली. या परिसरात बचाव कार्य करणाऱ्या SDRF चमूशी संवाद साधत त्यांच्या कार्याबद्दल समाधान व्यक्त केले. या सर्व गावातील पूरग्रस्त नागरिकांना सुरक्षित स्थळी हलविल्यानंतर त्यांच्या राहण्याची व जेवणाची उत्तम व्यवस्था केल्याबद्दल श्री अहीर यांनी रचना कन्स्ट्रक्शन कंपनीच्या या सामाजिक कार्याचे कौतुक करीत आभार मानले. यावेळी अहीर यांच्यासमवेत भाजयुमो चे प्रदेश सचिव करण देवतळे, किसान आघाडीचे जिल्हाध्यक्ष राजू घरोटे, विजय मोकाशी, शेखर चौधरी, सुधीर भामट, बाळू भोयर यांचेसह भाजपा पदाधिकारी उपस्थित होते.
ADVERTISEMENT
पूर्व केंद्रीय गृहराज्यमंत्री हंसराज अहीर यांची वरोरा तालुक्यातील पुरप्रभावित गावांना भेटी
Leave a Reply
- Trending
- Comments
- Latest
Recent News
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
