गडचिरोली:- आज दिनांक 10 जुलै रोजी सकाळपासून सुरू असलेल्या मुसळधार पावसामुळे पुन्हा एकदा आंबटपल्ली ते खुदीरामपल्ली दरम्यान असलेल्या नाल्याला पूर आल्याने आलापली ते मुलचेरा हा मार्ग राहादरीसाठी बंद झाला आहे.
8 जुलै रोजी मध्यरात्रीपासून मुसळधार पावसाने थैमान घातल्यामुळे 9 जुलै रोजी आल्लापल्ली ते मुलचेरा रस्त्यावरील गोमनी,आंबटपल्ली,भवानीपूर,बारसवाडा आणि मुलचेरा ते आष्टी दरम्यान कोपरअली जवळील दीना नदी ला पूर आल्याने दुपारी 2 वाजेपर्यंत हा मार्ग बंद होता. दुपारनंतर सर्वच नदी-नाल्यावर पूर ओसरल्यावर सदर रस्ता रहदारी सुरू झाला होता.मात्र,परत आज 10 जुलै रोजी मुसळधार पावसामुळे आंबटपल्ली ते खुदीरामपल्ली दरम्यान असलेल्या नाल्याला पूर आल्याने सदर मार्ग पुन्हा बंद झाला आहे.
गडचिरोली जिल्ह्यात मुसळधार ते अति मुसळधार पावसाची शक्यता असल्याने 72 तास रेड अलर्ट घोषित करण्यात आला आहे. रस्त्यावरील नदी नाल्यांना पूर येण्याची शक्यता आहे तरी नागरिकांनी उचित काळजी घ्यावी असे आवाहन जिल्हा प्रशासनातर्फे करण्यात आले आहे. जिल्ह्यातील सर्व अधिकाऱ्यांनी सज्ज राहावे असे निर्देश जिल्हाधिकाऱ्यांनी नुकतेच दिले आहे.
पावसाचा कहर बघता गोमणी नाल्याला आणि दीना नदीला पूर येण्याची शक्यता आहे. त्यामुळे तालुका प्रशासन आणि पोलीस प्रशासन सुद्धा सज्ज असून प्रत्येक बाबीवर लक्ष ठेऊन आहेत.पोलिसांतर्फे मुलचेरातील मुख्य चौकात बॅरिगेट्स लावून सदर मार्ग बंद करण्यात आले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
