औरंगाबाद येथे पुस्तक प्रकाशन व राज्यभरातील 70 कविचे बहारदार कविसंमेलन

औरंगाबाद :- क्षितिजावरची शब्दपर्णवी साहित्य मंच महाराष्ट्र च्या वतीने समुहाचा वर्धापनदिन व भारतीय स्वातंत्र्य अमृत महोत्सवी वर्षानिमित्त व मराठी भाषेचा वारसा पुढे चालावा तिचे संवर्धन व्हावे या तिहेरी संगमातून राज्यस्तरीय कविसंमेलनाचे आयोजन करण्यात आले आहे यात पुस्तक प्रकाशन व पुरस्कार वितरण सोहळा ही आयोजित करण्यात आला आहे.

बजाजनगर औरंगाबाद येथील मसिहा हाॅल मोरे चौक येथे 19 जून रोजी हा सोहळा संपन्न होत आहे या कार्यक्रमाचे प्रथम सत्राचे सुत्रसंचालन प्रसिद्ध निवेदिका व कवयित्री निशा कापडे करणार असून व्दितीय सत्राचे सुत्रसंचालन कवयित्री वैशाली कंकाळ व शंकर कदम करणार आहे
या कार्यक्रमाला उद्घघाटक म्हणून समाजसेविका कवयित्री संगिता भाऊसाहेब जामगे, व अध्यक्षस्थानी विठ्ठल घाडी उपस्थित राहणार आहेत. कार्यक्रमाचे प्रमुख अतिथी म्हणून सोलापूर दैनिक एकमत चे संपादक संजयजी येऊलकर, डॉ.आनंद अहिरे, ज्येष्ठ साहित्यिक ज्ञानेश्वर नखाते, माणिक गोडसे, कवी रज्जाक शेख ,प्रा शिवाजी हुसे उपस्थित राहतील
या कार्यक्रमात कल्पना निंबोकार अंबुलकर यांच्या कल्पनेचा चांदवा व स्त्रि मनाच्या गाभाऱ्यातून या ललित लेख संग्रहाचे प्रकाशन होणार आहे या पुस्तकावर कवी लेखक हबीब भंडारे , व ज्येष्ठ साहित्यिक शिवा प्रधान अमरावती भाष्य करतील
या कार्यक्रमा साहित्यक्षेत्रात उल्लेखनीय कामगिरी करणाऱ्या साहित्याचा गुणगौरव करण्यात येईल व त्याना समूहातर्फे पुरस्कार प्रदान करण्यात येईल.दीपप्रज्वलन स्वागतगीत होवून कार्यक्रमाची सुरुवात होईल
राज्यभरातून आलेल्या 70 कविचे बहारदार कविसंमेलन घेण्यात येणार आहे. प्रत्येक कविला सन्मान चिन्ह व प्रमाणपत्र गुलाबपुष्प देऊन सन्मानित करण्यात येईल
कार्यक्रमाचे आभार प्रदर्शन वंदना धाकडे करतील असे आयोजक प्रा .कल्पना निंबोकार अंबुलकर यांनी कळविले आहे