गडचिरोली:- कोरोनासह विविध संकटामुळे शेतकरी अगोदरच हवालदिल झाला आहे आणि निसर्गानेही त्याच्यावर अवकृपा दाखविली आहे.२४ मे रोजी सिरोंचा तालुक्यात वादळी वारा, गारपीटीसह मोठा अवकाळी पाऊस झाल्याने तालुका मुख्यालयसह इतरही गावातील नागरिकांचे मोठे नुकसान झाले आहे. सिरोंचा तालुक्यातील अनेक लोकं शेती आधारित व्यवसायावर अवलंबून आहेत. अशातच परिसरात मोठा पाऊस झाल्याने शेतकऱ्यांची चिंता वाढली आहे. हानी पोहोचलेल्या शेतकऱ्यांच्या पिकांचे, कोसळलेल्या घरांचे व आदी नुकसानीचे त्वरित पंचनामे करून तात्काळ नुकसान भरपाई देण्यात निर्देश अहेरी विधानसभा क्षेत्राचे आमदार धर्मराव बाबा आत्राम यांनी प्रशासनाला दिले.
२४ मे रोजी सिरोंचा तालुक्यात वादळी पावसाने चांगलाच तडाखा दिला होता. गारपीटीसह झालेल्या या वादळी पावसात शहरातील व अन्य गावातील शेतकऱ्यांचे मोठे नुकसान झाले,अनेक नागरिकांचे घरे कोसळली, तर अनेकांचे घरावरील टिनपत्रे उडाल्याने संपूर्ण कुटुंब उघड्यावर पडले होते. परिस्थितीचा गांभीर्य लक्षात घेऊन आमदार धर्मराव बाबा आत्राम यांनी तात्काळ सिरोंचा दौरा करून स्थानिक तहसील कार्यालयात अधिकारी व कर्मचाऱ्यांची बैठक घेऊन अवकाळीचा आढावा घेत नुकसानग्रस्तांना त्वरित नुकसानभरपाई मिळावी या उदात्त हेतूने तात्काळ मोका पंचनामा करण्याचे निर्देश दिले.
एवढेच नव्हे तर तालुक्यातील कुठल्याही गावात एकही नुकसानग्रस्त नागरिक व शेतकरी सुटणार नाही याची दक्षता घेण्याचेही निर्देश दिले.यावेळी राष्ट्रवादी युवती काँग्रेसचे जिल्हाध्यक्ष तथा माजी जि प अध्यक्ष भाग्यश्रीताई आत्राम, सामाजिक कार्यकर्ते बबलू हकीम, राष्ट्रवादी महिला काँग्रेसचे विभागीय अध्यक्ष शाहीन हकीम,तालुका अध्यक्ष मधुकर कोल्लूरी उपस्थित होते.
प्रत्यक्ष भेट घेऊन नुकसानग्रस्तांसोबत साधला संवाद
राज्याच्या शेवटच्या टोकावर वसलेला आणि अहेरी विधानसभा क्षेत्रातील महत्त्वाचा तालुका म्हणून ओळख असलेल्या सिरोंचा तालुक्यात वादळी पावसाने अनेकांचे नुकसान केले. याची माहिती मिळताच आमदार धर्मराव बाबा आत्राम यांनी तालुक्यातील विविध गावांत प्रत्यक्ष भेटी देऊन नुकसानग्रस्तांना विषयी संवाद साधत परिस्थिती जाणून घेतली. व त्यांना धीर दिले. स्थानिक नगरपंचायत हद्दीतील काही प्रभागात सुद्धा त्यांनी भेट देऊन पाहणी केली व प्रशासनाकडून त्वरित नुकसान भरपाई मिळवून देण्याचे आश्वासन दिले. यावेळी राष्ट्रवादी काँग्रेसचे सिरोंचा तालुक्यातील पदाधिकारी व कार्यकर्ते मोठ्या संख्येने उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
