चंद्रपूर :- कडक उन्‍हाळा, भीषण पाणी टंचाई तसेच वन्‍यप्राण्‍यांचे हल्‍ले याबाबींचे गांभीर्य लक्षात घेता चंद्रपूर जिल्‍हयातील कोणत्‍याही ग्रामपंचायतीचे नळ पाणी पुरवठा योजनेचे विज कनेक्‍शन कापू नये तसेच स्‍ट्रीट लाईट्सचे पैसे शासनाने वित्‍त आयोगाच्‍या निधीतून अदा करावे, अशी मागणी विधीमंडळ लोकलेखा समितीचे प्रमुख तथा माजी अर्थमंत्री आ. सुधीर मुनगंटीवार यांनी केली आहे.
चंद्रपूर जिल्‍हयातील काही ग्रामपंचायतींना नळ पाणी पुरवठा योजनांचे विज कनेक्‍शन तसेच स्‍ट्रीट लाईट्सच्‍या थकीत बिलापोटी कनेक्‍शन कापण्‍याच्‍या नोटीस प्राप्‍त झाल्‍या आहे. चंद्रपूर जिल्हा विज उत्‍पादक जिल्हा आहे. जिल्‍हयातील नागरिक मोठया प्रमाणावर प्रदुषणाचा सामना करीत आहे. त्‍यामुळे विविध आजारांना त्‍यांना समोरे जावे लागत आहे. वे.को.लि. च्‍या कोळसा खाणींमुळे भुगर्भातील पाण्‍याची पातळी खाली जात आहे. त्‍यामुळे जिल्‍हयातील कोणत्‍याही ग्रामपंचायतीचे नळ पाणी पुरवठा योजनेचे वीज कनेक्‍शन कापू नये अशी मागणी आ. सुधीर मुनगंटीवार यांनी केली आहे.
चंद्रपूर जिल्‍हयात वन्‍य प्राण्‍यांचा वावर मोठया प्रमाणावर आहे. मानव वन्‍यजीव संघर्ष वाढत चालला आहे. वन्‍यप्राण्‍यांच्‍या हल्‍ल्‍यात माणसे दगावत आहेत. अशा परिस्थितीत स्‍ट्रीट लाईट्स च्‍या थकीत वीज बिलापोटी कनेक्‍शन कापण्‍याच्‍या नोटीस ग्रामपंचायतींना देण्‍यात येत आहे. ग्रामपंचायतींच्‍या स्‍ट्रीट लाईट्सचे पैसे सरकार भरेल असे आश्‍वासन विधानसभेत देण्‍यात आले आहे. सदर पैसे सरकारने वित्‍त आयोगाच्‍या निधीतुन प्रदान करावे असेही आ. सुधीर मुनगंटीवर यांनी म्‍हटले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
