पन्नास टक्के सुटीवरील बियाण्यांचा लाभ घ्या

भामरागड :- यावर्षीही खरीप हंगामाकरिता १३ वे वने ७ टक्के वनमहसूल या योजनेअंतर्गत पंचायत समिती भामरागड येथे पन्नास टक्के सुटीवर बियाणे उपलब्ध करून दिले आहे.त्यामुळे तालुक्यातील अतिदुर्गम गावातील नारिकांनी याचा अधिक लाभ घ्यावा, असे आवाहन संवर्ग विकास अधिकारी तथा प्रशासक पंचायत समिती भामरागड महेश वाढई यांनी तालुक्यातील शेतकऱ्यांना केले आहे.भामरागड तालुक्यात शेतीशिवाय इतर कोणतेही व्यवसाय अथवा काम नाही. त्यामुळे येथील नागरिकांना खरीप हंगामात शेती हा एकमेव व्यवसाय आहे. मात्र यावर्षी भामरागड तालुक्यात पाऊस न पडल्याने शेतकरी हवालदिल झाला आहे. यायावेळी कृषी विस्तार अधिकारी पंचायत समिती भामरागड देवानंद गायकवाड,विस्तार अधिकारी( कृषी )सुशील टेंभुर्णे, कृषी पर्यवेक्षक तालुका कृषी अधिकारी कार्यालय भामरागड उईके,कनिष्ठ प्रशासन अधिकारी मुलकलवार,कनिष्ठ सहाय्यक प्रफुल डोंगरे,स्थापत्य अभियांत्रिकी सहाय्यक वैभव चौधरी,ग्रामसेवक दिनेश सराटे,सुनील जेट्टीवार,संतोष पुंगाटी व शेतकरी बांधव उपस्थित होते.