भामरागड :- क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय व जिल्हा क्रीडा परिषद गडचिरोली यांच्या संयुक्त विद्यमाने आयोजित जिल्हास्तरीय शालेय मल्लखांब व रोप मल्लखांब क्रीडा स्पर्धा लोक बिरादरी आश्रम शाळा हेमलकसा येथे १९ सप्टेंबरला संपन्न झाली.त्याप्रसंगी उपस्थित आदरणीय डॉ. प्रकाशभाऊ आमटे व डॉ. मंदाकिनी आमटे यांनी स्पर्धेतील सर्व खेळाडूंचे कौतुक केले व पुढील स्पर्धेकरिता शुभेच्छा दिल्या.
जिल्हास्तरीय शालेय मल्लखांब क्रीडा स्पर्धेच्या उद्घाटन कार्यक्रमाप्रसंगी कार्यक्रमाचे अध्यक्ष लीलाधर कसारे होते.प्रमुख अतिथी रेणुकाताई मनोहर,जमीर शेख,शरीफ शेख सर, तालुका क्रीडा संयोजक विशाल तावेडे सर इत्यादी मान्यवर उपस्थित होते. मान्यवरांनी विद्यार्थ्यांना मार्गदर्शन करून सर्व खेळाडूंचे कौतुक केले व स्पर्धेतील सर्व खेळाडूंना शुभेच्छा दिल्या. यामध्ये १४ वर्ष मुली-सीमा विजय वड्डे-प्रथम,१४ वर्ष मुले-प्रयाग सचिन मुक्कावार-प्रथम, आर्यन मनेश तिम्मा- द्वितीय,माऊली गणेश हिवरकर-तृतीय. १७ वर्षे मुली- कोमल प्रकाश पुंगाटी-प्रथम,संगिता रामजी दुर्वा- द्वितीय, सुशीला बाजू मडावी-तृतीय.१७ वर्षे मुले- बलदेव राजू महाका-प्रथम, रोहित चंदू महाका- द्वितीय, पियुष रमेश कांदो- तृतीय,१९ वर्षे मुली- संगिता सखाराम पुंगाटी- प्रथम, उर्मिला झुरू ताडो- द्वितीय.१९ वर्षे मुले-अर्जून लिंगू आलामी- प्रथम, ओमकार संजय मडावी- द्वितीय यांनी प्राविण्य मिळविले. सर्व प्राविण्यप्राप्त खेळाडूंना विभागीय मल्लखांब स्पर्धेकरीता शुभेच्छा दिल्या.
जिल्हास्तरीय शालेय मल्लखांब क्रीडा स्पर्धेच्या आयोजनाकरिता ज्यांनी सहकार्य केलं असे – दुबे, चापले , गुट्टेवार , अमोल , सचिन, तुषार , हिना गुट्टेवार व या स्पर्धेकरिता सर्व शिक्षक / शिक्षिका, शिक्षकेत्तर कर्मचारी तसेच प्रकल्पातील सर्व कार्यकर्ते आपण सर्वांनी उपस्थित राहून स्पर्धेतील सर्व खेळाडूंचा उत्साह द्विगुणित केला.कार्यक्रमाचे संचालन मल्लखांब प्रशिक्षक परमात्मा पंधरे यांनी केले.
