अहेरी: तालुका मुख्यालयातील प्राणहिता पोलीस उप मुख्यालयात जागतिक रक्तदाना निमित्ताने रविवारी (१४ जून ) रोजी भव्य रक्तदान शिबिराचे आयोजन करण्यात आले होते.या रक्तदान शिबिराचे उद्घाटन अपर पोलीस अधीक्षक हर्षवर्धन बी.जे. यांच्या हस्ते करण्यात आले.
जागतिक रक्तदान दिनाचे औचित्य साधून प्राणहिता पोलीस उप मुख्यालयात विविध पथकातील अधिकारी, पोलीस जवान आणि सर्वसामान्य नागरिकांनी मोठ्या उत्साहाने रक्तदान केले. विशेष म्हणजे नागपूर येथील शालिनीताई मेघे रक्तपेढीतील अधिकारी कर्मचाऱ्यांनी सकाळपासूनच या ठिकाणी रक्तदान शिबिराचे आयोजन केले होते. या कॅम्पला चांगला प्रतिसाद लाभला असून तब्बल २२८ जणांनी या ठिकाणी स्वतःहून पुढाकार घेत रक्तदान केले.
प्राणहिता पोलीस उप मुख्यालय येथे गडचिरोली पोलीस दलाचे विविध पथक तैनात असून मोठ्या प्रमाणात या ठिकाणी पोलीस जवान कार्यरत आहेत.अहेरी उपविभागातीलच नव्हेतर जिल्ह्यातील विविध नक्षलग्रस्त भागात नक्षल शोध मोहीम राबविण्यासाठी प्राणहिता पोलीस उप मुख्यालय महत्त्वाची भूमिका बजावते. या ठिकाणी दरवर्षीच मोठ्या उत्साहाने रक्तदान शिबिर घेतले जाते. या वर्षी देखील रक्तदान शिबिरात विविध पथकातील अधिकारी,पोलिस जवान आणि सर्वसामान्य नागरिकांनी स्वतः पुढाकार घेत रक्तदान केले.
विशेष म्हणजे येथील पोलीस जवानांनी जागतिक रक्तदान दिनाच्या निमित्ताने केलेल्या मोठ्या प्रमाणावर रक्तदानाने सामाजिक बांधिलकीची सत्यनिष्ठ आणि उदात्त प्रतिमा उभी राहिली आहे. ग्रामपातळीवरून ते शहरी भागापर्यंत अनेक अधिकारी व जवानांनी हा मानवी जीवनाची ग्वाही म्हणून दिलेला अनमोल देणगीद्वारे संकटग्रस्त रुग्णांना नवजीवन देण्याचा प्रयत्न केला आहे. त्यांच्या या कृतीमुळे केवळ रुग्णांची जीवनरक्षक आवश्यकता भागली नाही, तर स्थानिक समाजात एकता, सेवा भाव आणि जबाबदारीची जाणीवही जागृत झाली. अशा प्रकारच्या उपक्रमांनी इतर विभागांनाही प्रेरित करून समुदायविकास आणि सार्वजनिक आरोग्याच्या क्षेत्रात सकारात्मक बदल घडवून आणण्यास मदत झाली.
विशेष म्हणजे अहेरीचे अपर पोलिस अधीक्षक हर्षवर्धन बी.जे. यांच्या नेतृत्वात उपविभागीय पोलिस अधिकारी अजय कोकाटे यांच्या मार्गदर्शनात मुलचेराचे ठाणेदार महेश विधाते, आष्टीचे ठाणेदार विशाल काळे,अहेरीचे ठाणेदार हर्षल एकरेसह आदी अधिकाऱ्यांनी रक्तदान करून रक्तदान शिबिर यशस्वीपणे पूर्ण केले. या मोहिमेमुळे प्राणहिता पोलीस उपमुख्यालयातील रक्तदान शिबिराने केवळ २२८ युनिट रक्त गोळा केले नाही, तर मानवतेचा आणि सार्वजनिक सेवाचा मजबूत संदेशही दिला आहे.
रुग्णासाठी तत्काळ प्रतिसाद;जवानाने दाखवली तत्परता
शिबिर सुरू असताना वर्षा सोनटक्के नावाची एक महिला आश्चर्यकारकपणे येऊन सांगते की तिच्या आईला, विमला बाबुराव बामनकर यांना रक्ताची तातडीने गरज आहे. ही माहिती मिळताच उपविभागीय अधिकारी अजय कोकाटे यांनी तातडीने बी पॉझिटिव्ह रक्तगट असलेल्या पोलिस जवानांना बोलावले आणि अहेरी रुग्णालयात जाऊन रक्तदान करण्याचा आग्रह केला. निलेश सातपुते (सीआरपीएफ ग्रुप क्रमांक १७) व राजाराम (खाँ) यांनी तत्काळ मदतीसाठी धाव घेतली.मात्र वैद्यकीय कर्मचाऱ्यांनी सांगितले की रुग्णाला रक्त उद्याच लागेल. त्यामुळे जवान सोमवारी रुग्णाला रक्तदान करण्यासाठी निश्चयितपणे पुढे येणार आहेत, असे अधिकाऱ्यांनी कळवले.
