गडचिरोली:गडचिरोली पोलिसांना अभूतपूर्व यश मिळाले असून गडचिरोली विभागीय कमिटी प्रभारी व सीपीआय माओवादी कंपनी क्रमांक १० चे कमांडर प्रभाकर (रा. कामारेड्डी, तेलंगणा) याच्यासह आणखी ६ जहाल माओवादी (४ पुरुष व ३ महिला) यांना गडचिरोली पोलिसांच्या शौर्यपूर्ण चकमकीत कंठस्नान घालण्यात अपार यश मिळाले आहे. विशेष म्हणजे प्रभाकरवर एकट्यावर २५ लाखांचे बक्षीस जाहीर होते.
मागील ३ दिवसांपासून अबूझमाडमध्ये सुरू असलेल्या या तीव्र अभियानात काल रात्री ३ मृतदेह हस्तगत झाले. आज दिवसभरात आणखी ४ मृतदेह (२ पुरुष व २ महिला) बरामत झाले. एकूण ७ माओवादी संहारित असून, घटनास्थळावरून ३ AK-47, १ SLR व १ .303 रायफलसह ५ भन्नागार शस्त्रे जप्त करण्यात आली आहेत. उर्वरितांची ओळख पटवण्याचे काम सुरू आहे.
या अभियानात सी-६० पथकातील शूरवीर जवान दीपक चिन्ना मडावी (वय ३८, रा. अहेरी) यांनी २ माओवादी मारत शत्रूला धूल चटवली, मात्र गंभीर जखमी होऊन वीरगती प्राप्त झाले. उद्या मूळ गावी मांड्रा, दामरांचा येथे शासकीय सन्मानाने अंत्यसंस्कार होणार. दुसरे जवान जोगा मडावी (रा. किष्ट्यापल्ली) यांना दुखापत झाली असली तरी गडचिरोली रुग्णालयात उपचार सुरू असून प्रकृती स्थिर आहे. लवकरच ते डिस्चार्ज होणार आहेत.मृत माओवादी व अभियानाचे तपशील उद्या गडचिरोली पोलिसांच्या पत्रकार परिषदेत सविस्तर सांगितले जाणार आहे.
