मुंबई : संयम गमावलेल्या माणसांसाठी आदर्श ठरणारी कहाणी म्हणजे अमोल मुजुमदार. 30 शतकं, 60 अर्धशतकं, 11000 पेक्षा जास्त धावा, एकही आंतरराष्ट्रीय क्रिकेट सामना नाही, तरीही जगाला दखल घ्यायला लावणारा जगज्जेता ज्याला पुढील सचिन तेंडुलकर म्हणून म्हटले जायचे. ५२ वर्षांच्या प्रदीर्घ कालावधीनंतर, भारतीय महिला संघ प्रथमच विश्वविजेता बनला. नवी मुंबईतील डीवाय पाटील स्टेडियमवर दिवाळीसारखे वातावरण होते. शेकडो कॅमेरे खेळाडूंवर केंद्रित होते. तेवढ्यात भारतीय कर्णधार हरमनप्रीत कौर धावत आली आणि प्रशिक्षक अमोल मजुमदार यांचे पाय स्पर्श करून त्यांना मिठी मारली आणि ढसाढसा रडू लागली. हे दृश्य ज्याने पाहिले त्याला खरोखरच’चक दे इंडिया’ चित्रपटातील प्रशिक्षक कबीर खानची आठवण झाली असेल.
भारतीय महिला संघाचे प्रशिक्षक अमोल मजुमदार यांनी प्रशिक्षण सुरू करण्यापूर्वी २० वर्षे स्थानिक पातळीवर क्रिकेट खेळले आहे. १९७४ मध्ये जन्मलेल्या अमोल मुजुमदार यांच्या क्रिकेट कारकिर्दीची सुरुवात लहान वयातच शिवाजी पार्क येथून झाली. प्रथम श्रेणी क्रिकेटमध्ये सातत्याने चांगली कामगिरी करूनही, अमोल मजुमदार कधीही भारताकडून खेळले नाही. खरं तर, जेव्हा ते रणजी ट्रॉफीमध्ये सातत्याने धावा काढत होते, तेव्हा भारताचा राष्ट्रीय संघाचा कर्णधार सचिन तेंडुलकर, राहुल द्रविड, व्हीव्हीएस लक्ष्मण आणि सौरव गांगुली सारख्या स्टार खेळाडूंनी भरलेला होता. मजुमदार यांनी या सर्वांसोबत देशांतर्गत क्रिकेट खेळले, परंतु संघात स्थान मिळवू शकले नाही कारण रणजी ट्रॉफीमध्ये चांगली कामगिरी करणाऱ्या खेळाडूंना दुलीप ट्रॉफी मिळते, नंतर इराणी कप आणि प्रेसिडेंट-११ संघांमध्ये. खेळण्याची संधी मिळते.
अमोल मुजुमदार यांच्यापूर्वी भारतीय महिला क्रिकेट संघाचे मुख्य प्रशिक्षक रमेश पोवार होते परंतु कर्णधार मिताली यांच्याशी वाद झाल्यानंतर बीसीसीआयला हस्तक्षेप करावा लागला. मुख्य प्रशिक्षकविना खेळणाऱ्या महिला क्रिकेट संघाची जबाबदारी अचानक मुंबईकडून खेळलेल्या अमोल मुझुमदारकडे सोपवण्यात आली. प्रथम श्रेणी गाजवणारा पण आंतरराष्ट्रीय सामन्यांचा अनुभव नसलेल्या खेळाडूची महिला क्रिकेट संघाच्या मुख्य प्रशिक्षकपदी निवड झाल्यानंतर सर्वांच्याच भुवया उंचावल्या होत्या. पण अमोल मुजुमदार यांनी कठोर मेहनत, सराव, धाडसी निर्णय, नवोदित खेळाडू, खेळाडू बरोबर मैत्री पूर्ण संबंध, खेळाडूंच्या मताला प्राधान्य देणं, मैदानी डावपेच अशा अनेक कल्पक बुद्धीतून भारतीय महिला क्रिकेट संघ घडविला आणि हरमनप्रीत कौरच्या नेतृत्वाखाली भारताला पहिला एकदिवसीय महिला वर्ल्डकप विश्वचषक जिंकून दिला.
अमोल मुजुमदार यांच्या वडिलांचे स्वप्न होते मुलाने भारतीय संघाचे प्रतिनिधित्व करून वर्ल्डकप जिंकावा परंतू ते शक्य झाले नाही अखेर वडिलांचे ते स्वप्न प्रशिक्षक बनून पूर्ण केले.
