अहेरी:जागतिक वन दिनाच्या निमित्ताने २१ मार्च रोजी अहेरी परिसरात उप वनसंवरक्षक राहुल सिंह तोलिया यांच्या मार्गदर्शनाखाली आलापल्ली वन विभागाने मोटारसायकल रॅली आयोजित केली. या रॅलीच्या माध्यमातून वन व वन्यप्राण्यांच्या संरक्षणाबाबत जनजागृती करण्यात आली. रॅलीची सुरुवात आलापल्ली उप वनसंवरक्षक कार्यालयातून झाली, जिथे वनपरिक्षेत्र अधिकारी आणि कार्यालयीन अधिकाऱ्यांनी वन संरक्षणाची शपथ घेतली.
सदर रॅली आलापल्ली, नागेपल्ली आणि अहेरी परिसरातून पोहोचली, जिथे लोकांना वनांचे संरक्षण करण्याचे महत्त्व सांगितले गेले. यात वनाला आग लावू नये आणि मोहा झाडाखालची जागा साफ करून पाला पाचोळा जाळून मोहा फुले गोळा करण्याचे आवाहन करण्यात आले. तेंदू हंगामात जंगलात आग लावणाऱ्यांविरुद्ध दक्षता घेण्याचे निर्देश देण्यात आले. या रॅलीचे नेतृत्व एसीएफ शिशुपाल पवार आणि मोहम्मद आझाद यांनी केले. रॅलीत आलापल्ली, अहेरी, पेडीगुडम, पेरमिली या चार वन परिक्षेत्रांचे अधिकारी आणि कर्मचारी सहभागी झाले.
___________________________________________
विविध मार्गांनी जागृती
या रॅलीच्या माध्यमातून लोकांना वन संरक्षणाच्या महत्त्वाबद्दल जागरूक केले जात असून, त्यासाठी कलापथकाचा वापर करण्यात आला. रॅली मध्ये चामोर्शी, मार्कंडा आणि घोट या तीन वनपरिक्षेत्र कार्यालयांनीही स्वतंत्र रॅली काढल्याचा विशेष उल्लेख आहे. या प्रयत्नांमुळे वन संरक्षणाच्या कामात समाजाचा सहभाग वाढण्याची आशा आहे.
