गडचिरोली:छत्तीसगड राज्याच्या सीमेवरील सुरक्षा व्यवस्था मजबूत करण्यासाठी ९ मार्च रोजी कवंडे येथे नवीन पोलीस स्टेशनची स्थापना करण्यात आली आहे. ही स्थापना सीमा भागातील गुन्हेगारी विरोधात प्रभावी कारवाई करण्यासाठी केली गेली आहे. या नवीन पोलीस स्टेशनमुळे सीमा भागातील नागरिकांना अधिक सुरक्षित वातावरण मिळण्याची आशा आहे.
सीमा भागातील गुन्हेगारी वाढत असल्याने या नवीन पोलीस स्टेशनची गरज भासली. या भागातील गुन्हेगारी विरोधात प्रभावी कारवाई करण्यासाठी पोलिसांना अधिक सुविधा देण्याच्या उद्देशाने ही स्थापना करण्यात आली आहे. या पोलीस स्टेशनमध्ये आधुनिक सुविधा आणि तंत्रज्ञानाचा वापर करून गुन्हेगारी विरोधात कारवाई करण्याचा गडचिरोली पोलिसांचा प्रयत्न आहे. अलीकडेच भामरागड तालुक्यात पेनगुंडा, नेलगुंडा त्यानंतर आता कवंडे येथे नवीन पोलिस स्टेशनची स्थापना करण्यात आली आहे.विशेष म्हणजे मागील दोन वर्षात एकूण ७ पोलिस स्टेशनची स्थापना करण्यात आली आहे.कवंडे येथील पोलिस स्टेशन उभारण्यासाठी पोलिसांचा मोठा फौजफाटा उभा करण्यात आला होता.तसेच येथे जनजागरण मेळावा घेऊन परिसरातील नागरिकांना शासकीय योजनांचा लाभ देण्यात आला.
छत्तीसगड सीमेवरील नवीन पोलीस स्टेशनची स्थापना ही केवळ सुरक्षा व्यवस्था मजबूत करण्याच्या दृष्टीनेच नाही तर ती स्थानिक अर्थव्यवस्थेला देखील चांगला फायदा पोहोचवणार आहे. यामुळे स्थानिक नागरिकांना रोजगाराच्या संधी मिळतील आणि स्थानिक विकासाला चालना मिळेल अशी आशा आहे.
या प्रसंगी विशेष पोलीस महानिरीक्षक (नक्षलविरोधी अभियान) संदिप पाटील,पोलीस उपमहानिरिक्षक गडचिरोली परिक्षेत्र अंकित गोयल, पोलीस उपमहानिरिक्षक, केंद्रीय राखीव पोलीस बल, गडचिरोली अजय कुमार शर्मा, गडचिरोली जिल्ह्राचे पोलीस अधीक्षक नीलोत्पल, कमांडण्ट 37 बटा. केंद्रीय राखीव पोलीस बल दाओ इंजीरकान कींडो, अपर पोलीस अधीक्षक (प्रशासन) एम. रमेश, अपर पोलीस अधीक्षक अहेरी एम. व्हि. सत्यसाई कार्तिक, उप-कमांडण्ट (2आयसी) 37 बटा. केंद्रीय राखीव पोलीस बल सुजित कुमार, उपविभागीय पोलीस अधिकारी, भामरागड अमर मोहिते व पोलीस स्टेशन कवंडेचे नवनियुक्त प्रभारी अधिकारी पोउपनि. मंदार शिंदे, इतर अधिकारी व पोलीस अंमलदार उपस्थित होते.
___________________________
“सीमा भागातील नागरिकांच्या सुरक्षिततेच्या दृष्टीने या भागात पोलिस स्टेशनची स्थापना अत्यंत महत्त्वाची आहे.आम्ही येथील नागरिकांना सुरक्षित वातावरण प्रदान करण्यासाठी कटिबद्ध आहोत,” असे पोलीस अधीक्षक नीलोत्पल यांनी सांगितले.
