कोरची:- शिक्षकांनी नवनवीन तंत्रज्ञानाच वापर करून आजच्या स्पर्धेच्या युगात अध्यापन केल्यास विद्यार्थी नक्कीच समोर जातील असे प्रतिपादन केंद्र मुख्याध्यापक रामदास कोटगले यांनी मसेलीतील तिसरी शिक्षण परिषदेत अध्यक्ष स्थानावरून शिक्षकांना केले.
कोरची पंचायत समिती अंतर्गत बोटेकसा केंद्राची तिसरी शिक्षण परिषद छत्रपती हायस्कूल मसेली येथे दिनांक 28 फेब्रुवारीला पार पडली. या परिषदेच्या अध्यक्षस्थानी बोटेकसा केंद्राचे केंद्र मुख्याध्यापक रामदास कोटगले होते. उदघाटक म्हणून केंद्रप्रमुख राजू परशुरामकर तर प्रमुख अतिथी म्हणून मसेली जिल्हा परिषद शाळेचे मुख्याध्यापक मधुकर मेश्राम कोटरा शाळेचे मुख्याध्यापक शत्रुघन दांडवे बिहिटेकला शाळेचे मुख्याध्यापक ओमराव टेंभुर्ण,सांगोडे आदी मान्यवर मंचावर उपस्थित होते.
कार्यक्रमाच्या प्रास्ताविकेत परशुरामकर यांनी फुलोरा नवीन शालेय अध्यापन पद्धती व इतर विषयावर मार्गदर्शन केले तसेच फुलोरा सुलभक विनोद भजने व योगेश शुक्ला यांनी दीक्षा ॲप व इतर ॲप वर मार्गदर्शन करून सर्व शिक्षकांनी रजिस्टेशन करण्याचे सुद्धा आवाहन यावेळी केले.
सदर कार्यक्रमाचे संचालन व आभार प्रदर्शन फाल्गुन कुळे यांनी केले या परिषदेला बोटेकसा केंद्रातील सर्व व्यवस्थापनाच्या शाळेतील शिक्षक शिक्षिका उपस्थित होते. तर या कार्यक्रमाला यशस्वी करण्यासाठी सर्व शिक्षकांनी सहकार्य केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
