रोहिदास नगर/गोरेगाव (प्रसाद गोरेगांवकर) – स्वदेश फाउंडेशनतर्फे रायगड जिल्ह्यातील माणगांव तालुक्यातील चापडी गावाला ‘स्वप्नातील गांव, आदर्श गांव’ म्हणून घोषित करण्यात आले. या गौरव सोहळ्याचे आयोजन 30 ऑगस्ट रोजी करण्यात आले होते. यावेळी महाराष्ट्र राज्याच्या महिला व बाल कल्याण मंत्री तसेच रायगड जिल्ह्याच्या पालकमंत्री ना. अदिती तटकरे यांच्या हस्ते गावाचा सन्मान करण्यात आला.
चापडी हे एक छोटे आणि कमी वस्तीचे गाव आहे. परंतु, स्वदेश फाउंडेशनच्या मार्गदर्शनाने आणि मदतीने या गावाने आपल्या स्वप्नातील आदर्श गावाची संकल्पना साकारली आहे. चापडी ग्रामस्थांच्या अथक प्रयत्नांनी गावात विविध सुधारणा केल्या गेल्या आणि गावाचा विकास साधला गेला. यासाठी गावातील युवकांनी आणि महिला मंडळांनी मोठ्या प्रमाणावर सहभाग घेतला.
सोहळ्याची सुरुवात रा. जि. प. शाळेच्या शिक्षक मुकेश भोस्तेकर आणि विद्यार्थ्यांच्या स्वागत गीताने झाली. ग्रामस्थांच्या वतीने ना. अदिती तटकरे यांचे शाल, श्रीफळ, आणि स्मृतिचिन्ह देऊन स्वागत करण्यात आले. यावेळी स्वदेश फाउंडेशनच्या वरिष्ठ समन्वयक राजेंद्र बेंद्रे यांचेही सन्मान करण्यात आला.
ना. अदिती तटकरे यांनी स्वदेश फाउंडेशनचे प्रमुख रॉनी स्क्रूवाला आणि झरीना स्क्रूवाला यांच्या कामाचे कौतुक केले. त्यांनी स्वदेश फाउंडेशनच्या ग्रामीण सक्षमीकरण आणि आदर्श गांव संकल्पनेला आपले नेहमीच समर्थन राहील असे आश्वासन दिले. यावेळी त्यांनी रायगड जिल्ह्यातील अधिकाधिक गावे आदर्श गावांमध्ये रूपांतरित करण्याच्या आपल्या वचनबद्धतेचा पुनरुच्चार केला.
या कार्यक्रमाला स्वदेश फाउंडेशनचे संचालक प्रदीप साठे, उपविभागीय अधिकारी संदीपान सानप, माणगांव तहसीलदार दशरथ काळे, तालुका अध्यक्ष राष्ट्रवादी कॉंग्रेस पक्ष सुभाष केकाणे, गट विकास अधिकारी संदीप जठार, गोरेगाव पोलीस निरीक्षक विजय सुर्वे, सरपंच शुभांगी शिर्के, तसेच अनेक ग्रामपंचायत कर्मचारी, गावकरी आणि महिला मंडळ उपस्थित होते.
चापडी गावाचा गौरव हा केवळ गावातील लोकांसाठीच नव्हे, तर संपूर्ण जिल्ह्यासाठी प्रेरणादायी ठरला आहे. स्वदेश फाउंडेशनच्या मदतीने गावाने आपल्या स्वप्नातील आदर्श गावाची संकल्पना यशस्वीपणे साकारली आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
