वरोरा : कॅबिनेट मंत्री नवाब मलिक यांच्या समर्थनासाठी वरोऱ्यातील मधील महाविकास आघाडी एकवटली आहे. शहरातील गांधी चौक परिसरात आज दि. २५ फेब्रुवारी रोजी काँग्रेस , शिवसेना आणि राष्ट्रवादी या तिन्ही पक्षाचे नेते, पदाधिकारी आणि कार्यकर्त्यांनी आंदोलन केले. भाजपने नवाब मलिक यांच्याविरोधात केलेल्या कारवाईचा आंदोलकांनी निषेध केला असून नवाब मलिक यांना महाविकास आघाडीचा पूर्ण पाठिंबा असल्याची भूमिका आंदोलकांनी घेतली. केंद्रातील भाजप विरोधात आंदोलकांनी जोरदार घोषणाबाजी केली.या आंदोलनात आमदार प्रतिभा धानोरकर , शिवसेना जिल्हाप्रमुख मुकेश जीवतोडे व राष्ट्रवादीचे नेते मोरेश्वर टेमुर्डे यांच्यासह महाविकास आघाडीतील नेते आणि पदाधिकाऱ्यांचा सहभाग आंदोलनात होता.
केंद्र सरकारमधील भाजप सरकार दडपशाही करत असून याविरोधात राज्यात सर्वच ठिकाणी महाविकास आघाडीतर्फे आंदोलन करण्यात येत आहे. वरोऱ्यातही काँग्रेस , शिवसेना आणि यांच्यासह राष्ट्रावादीने गांधी चौकात आंदोलन केले. जिल्ह्यात ठीकठिकाणी महाविकास आघाडीतर्फे आंदोलन करण्यात येत आहे. नवाब मलिकांनी काही चुकीचं केलेलं नाही. भाजप नेते त्यांना धमकावत आहेत. दाऊदचे संबंध मुद्दाम मलिकांसोबत जोडले जात आहेत, असा आरोप आमदार प्रतिभा धानोरकर यांनी केला आहे. तर महाविकास आघाडीचे सरकार मुख्यमंत्री उद्धव ठाकरे यांच्या नेतृत्वात महाराष्ट्राला प्रगतीपथावर नेल्याचे काम करत आहे.त्यामुळे भाजपा सूडबुद्धीचे राजकारण करत असून इडी व सीबीआय या प्रशासकीय यंत्रणेला हाताची धरत आघाडी सरकारमधील नेत्यांना खोट्या आरोपात अडकवत असल्याचा आरोप शिवसेना जिल्हा प्रमुख मुकेश जीवतोडे यांनी केला आहे. तसेच उपविभागीय अधिकारी यांच्या मार्फत राष्ट्रपती यांना निवेदन पाठविण्यात आले आहे.
यावेळी आंदोलनस्थळी कॉंग्रेस तालुका अध्यक्ष मिलिंद भोयर, राष्ट्रवादीचे विधानसभा प्रमुख विलास नेरकर,शिवसेना शहर प्रमुख संदीप मेश्राम,बाजार समिती सभापती राजेंद्र चिकटे, राष्ट्रवादी उपजिल्हा प्रमुख अविनाश ढेंगळे, युवक कॉंग्रेस विधानसभा प्रमुख शुभम चिमूरकर, युवा सेना उपजिल्हाप्रमुख आलेख रठ्ठे,राष्ट्रवादीचे शहर अध्यक्ष बंडू भोंगाळे , छोटूभाई शेख, प्रदीप बुऱ्हाण, दिनेश यादव, सन्नी गुप्ता, मनोहर स्वामी, प्रमोद काळे, राजू महाजन, बंडू डाखरे, दिनेश मोहारे, चंद्रकांत कुंभारे, भूषण बुरीले,अमित निब्रड,प्रज्वल जानवे ,अतुल नांदे ,राहुल दारुंडे, मंगला पिंपळकर,सुषमा भोयर, अल्का पचारे, रजनी मेश्राम, ज्योत्सना काळे, रंजना परशिवे, सुशिला तेलमोरे,सुनिता नरडे,मोनाली काकडे,जनाबाई पिंपळशेन्डे ,शिल्पा रुयारकर, नंदा गवई, व महाविकास आघाडीचे नेते पदाधिकारी व कार्यकर्त्यांनी मोठा सहभाग घेतला होता.
Podcast: Play in new window | Download
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
