गोंडपिपरी :– धाबा-कोंडाणा-चेकसोमनपल्ली,सूपगाव-नंदवर्धन-शिवणी-पानोरा, भंगाराम तळोधी-फूलोरा हेटी-चेकपिपरी, वढोली-चेकलिखितवाढा या ठिकाणी पावसामुळे रस्त्यांची झालेली दुरवस्था लक्षात घेऊन तातडीने दुरुस्ती करण्याचे आदेश पालकमंत्र्यांनी दिले आहेत. शुक्रवारी नियोजन भवन येथे झालेल्या बैठकीत अमर बोडलावार यांनी या ठिकाणी पावसामुळे झालेल्या रस्त्यांच्या गंभीर स्थितीबद्दल मंत्रीमहोदयांना माहिती दिली.
या भागातील रस्त्यांची दुरवस्था विद्यार्थ्यांच्या शाळेत जाण्या-येण्यावर आणि सामान्य जनतेच्या दैनंदिन प्रवासावर गंभीर परिणाम करत आहे. अमर बोडलावार यांनी ही समस्या ना .सुधीर नमुनगंटीवार यांच्या निदर्शनास आणून दिल्यानंतर, मंत्रीमहोदयांनी परिस्थितीचे गांभीर्य ओळखून तत्काळ कारवाई करण्याचे निर्देश अधिकाऱ्यांना दिले.
बैठकीला पालकमंत्री सुधीर मुनगंटीवार यांच्यासह अपर जिल्हाधिकारी श्रीकांत देशपांडे, जिल्हा परिषद, आणि सार्वजनिक बांधकाम विभागाचे कार्यकारी अभियंता उपस्थित होते. पालकमंत्र्यांनी या अधिकाऱ्यांना लवकरात लवकर रस्त्यांची पाहणी करून दुरुस्तीची कामे त्वरित सुरू करण्याचे आदेश दिले आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
