अहमदनगर ( अण्णासाहेब चौधरी ) अहमदनगर जिल्ह्यातील अकोले तालुक्यातील रंधा धबधबा येथील जिल्हा परिषद प्राथमिक शाळेतील विद्यार्थ्यांनी ” वारली ” या चित्रकलेची कला हस्तगत केली असुन येथील विद्यार्थी आता वारली चित्र सहज रेखाटु लागली आहेत . अर्थात या मुलांना या कलेत पारंगत करण्यात मोठा हात रविराज भांगरे या युवकाचा असुन ते स्वतः नासिक येथील पोलिस दलात कार्यरत आहेत.
अकोले तालुक्यातील रंधा धबधबा हा पर्यटकांना आकर्षित करणारा धबधबा समजला जातो .याच धबधब्याच्या अगदी जवळच जि. परिषदचे प्राथमिक शाळा असुन या शाळेत ईयत्ता १ली ते ५ वी पर्यंत मुलं ज्ञानदानाचे धडे गिरवत असतात.या शाळेतील विद्यार्थ्यांना नासिक पोलिस दलात कार्यरत असणा-या रविराज भांगरे युवकांने ‘ वारली ‘ या चित्रकलेचे रेखाटन कसे करायचे ? याची कार्यशाळाच घेतली .त्यासाठी त्याने विद्यार्थ्यांना चित्रकलेचे ज्ञान देताना स्वतः चित्र रेखाटन तर केलेच पण विद्यार्थ्यांकडुनही चित्रे रेखाटुन घेतली. आता ही मुले वारली या चित्र भाषेची सहज चित्रे रेखाटु लागली आहेत .
‘ वारली ‘ ही आदिवासी जमात ठाणे , पालघर , नासिक या भागात आढळुन येत असुन या जमातीची वारली ही कला पांरंपारीक आढळुन येते . पद्मश्री जिवा मसे यांनी ही कला जगासमोर आणली असुन विदेशात सुद्धा या कलेच्या चित्रांची प्रदर्शने भरताना दिसुन येत आहेत .आज वारलीच्या चित्रांना जगात मोठ्या प्रमाणात मागणी असुन ही कला उपजिविकेचे एक साधन होऊ शकते असे रविराज भांगरे सांगतात. या चित्रकलेच्या कार्यशाळेत शाळेच्या मुख्याध्यापिका श्रीमती हिरा देशमुख , विजय कातडे या शिक्षकांनीही सहभाग नोंदविला असुन रविराज भांगरे यांचे शाळेने विषेश आभार मानले आहेत .