गोंडपिपरी (सुरज माडूरवार )
सध्याचे युग हे स्पर्धेचे युग आहे.या काळात टिकायचे असल्यास विद्यार्थ्यांनी कौशल्यपूर्ण शिक्षण संपादन करावे असे मत प्रा.डॉ.सुभाष गीरडे यांनी व्यक्त केले. माई कोचिंग क्लास गोंडपिपरी येथे आयोजित गुणवंत विद्यार्थी सत्कार सोहळा व मार्गदर्शन कार्यक्रमात ते बोलत होते.
बारावी नंतर करीयरच्या विविध संध्या आहेत त्यापैकी व्यावसायिक समाजकार्याचा अभ्यासक्रम हा विद्यार्थ्याला जीवन जगण्याची कला शिकवून जातो त्यामुळे विद्यार्थ्यांनी असे शिक्षण घेण्याचा विचार करावा असे आवाहन माजी विद्यार्थी तथा युवा वक्ते अनिकेत दुर्गे यांनी केले. या प्रसंगी माई कोचिंग क्लासचे राकेश बांबोळे यांनी प्रास्ताविकेतून शैक्षणिक प्रगती मांडली.तसेच गुणवंत विद्यार्थ्यांचा रोख रक्कम,पुष्पगुच्छ देत सन्मान करण्यात आला.
सदर कार्यक्रम सुशीलाबाई रामचंद्रराव मामीडवार समाजकार्य महाविद्यालयाच्या प्राचार्य डॉ.जयश्री कापसे यांच्या मार्गदर्शनात प्रा.डॉ.सुभाष गिरडे यांच्या उपस्थितीत पार पडला. कार्यक्रमाला माई कोचिंग क्लास चे संस्थापक राकेश बांबोळे,शिक्षक आकाश मोहुर्ले, प्रज्वल बट्टे,व्यवस्थापक अमोल झाडे,अखिल झाडे, माजी विद्यार्थी युवराज बांबोळे,निखिल भडले यांच्या उपस्थितीत पार पडला.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
