गोंडपिपरी –संत गजानन महाराज सांस्कृतिक कला मंच वढोलीच्या वतीने गजानन महाराज प्रकट दिन दि.३ रविवारी गोंडपिपरी तालुक्यातील वढोली येथे उत्साहात साजरा करण्यात आला.
सर्वप्रथम सकाळी हनुमान मंदिरात गुरुदेव सेवा भजन मंडळाचे भजन पार पडले त्यानंतर ११ वाजता दरम्यान संपूर्ण गावात गजानन महाराजांची पालखी काढण्यात आली.यावेळी पालखी सोहळ्यात ‘घोडा’ सर्वांचे लक्ष वेधून घेत होता.गावात संपूर्ण कुटुंबीय घरासमोर रांगोळी काढून परिसर स्वच्छ ठेऊन पालखी चे स्वागत केले.दिवसभर गावातील प्रत्येक चौकात पालखीचे स्वागत करत अल्पोपहार,चहा,पाण्याची व्यवस्था नागरिकांनी केली. सायंकाळी संपूर्ण गावकऱ्यांनी लोकवर्गणीतून भव्य भोजन दान ठेवले.रात्री 9 वाजता समाजप्रबोधनकार सप्तखंजेरीवादक उदय पाल महाराज यांचे कीर्तन पार पडले.यावेळी शेकडो नागरिकांची उपस्थिती होती.
