गोंडपिपरी – (सुरज माडुरवार)
खरारपेठ मार्गावर ४२ वर्षीय युवकाचा मृतदेह आढळल्याने एकच खळबळ उडाली.
दि.१ शुक्रवारी खरारपेठ येथील मुख्य रस्त्यावर मुंजणकर यांच्या घराजवळ रात्री ११ वाजता ४२ वर्षीय इसमाचा मृतदेह आढळला.रस्त्याने प्रवास करताना गावातील जगदीश अवथरे यांना व प्रवाशांना तो मृतदेह दिसला.त्यानंतर घटनेची माहिती ठाणेदार हत्तिगोटे, पिएसआय मोगरे यांना दिली लागलीच घटनास्थळी पोलिस दाखल होऊन मृतदेह ताब्यात घेत उत्तरीय तपासणीसाठी पाठविले.मृतकाची ओडख पटली असून मृतकाचे नाव बंडू पोचू धुरके वय (४२) रा. मुदोली रीट ता.चामोर्शी,जी गडचिरोली असून मृतकाच्या शरीराला जखमा न्हवत्या व त्याचे गाव घटनेपासून २० किलोमिटर अंतरावर असून बाजूला कुठलेही वाहन न्हवते त्यामुळे अनेक चर्चेला उधाण येत असून नेमका मृत्यू अपघाताने झाला की घातपात कारण अद्याप गुलदस्त्यात आहे. पुढील तपास गोंडपिपरी पोलीस करत आहे.
