वरोरा:- जय जिजाऊ क्रिकेट मंडळ वरोरा तर्फे खेकारे लेआऊट जिजामाता वार्ड वरोरा येथे विदर्भस्तरिय हाप पिच टेनिस बॉल क्रिकेट सामन्याचे आयोजन करण्यात आले होते . या कार्यक्रमाला अध्यक्ष म्हणुन
माजी नगरसेविका मंगला पिंपळकर, उद्घाटक विलास नेरकर विधानसभा अध्यक्ष राष्ट्रवादी काँग्रेस पार्टी वरोरा, प्रमुख पाहुणे म्हणून अनिल झोटींग माजी उपाध्यक्ष न.प.वरोरा , चंद्रकांत कुंभारे शहराध्यक्ष राष्ट्रवादी काँग्रेस पार्टी वरोरा, डॉ. नितीन पाटील अध्यक्ष जय जिजाऊ क्रिकेट मंडळ वरोरा . व अन्य मान्यवर पाहुण्यांनी राजमाता राष्ट्रमाता जिजाऊ व छत्रपती शिवाजी महाराज यांच्या प्रतिमेला पुष्पहार व दीप प्रज्वलन करून क्रिकेट पिच चे रितसर रिबीन कापून उद्घाटन केले.
यावेळी पाहुणे मंडळींनी क्रिकेट खेळुन आनंद घेतला. तसेच माजी नगरसेविका मंगला पिंपळकर , विलास नेरकर,चंद्रकांत कुंभारे यांनी याप्रसंगी सर्व खेळाडूंना व जनसमुदायाला मार्गदर्शन केले. कार्यक्रमाचे सूत्रसंचालन अभिजित मांडवकर यांनी केले. या प्रसंगी वार्डातील मंडळी व बाहेर गाव वरून आलेले क्रिकेट खेळाडू व क्रिकेट प्रेमी उपस्थित होते.
