वरोरा :- पोलीस स्टेशन शेगाव( बु ) अंतर्गत सालोरी व ग्रामपंचायत निवडणुकीसाठी आज मतदान प्रक्रिया शांततेत पार पडली . या निवडणुकीमध्ये सालोरी ग्रामपंचायत निवडणुकीत 85.53% आणि अर्जुनी ला 73.50% मतदान झाले .
पोलिस स्टेशन शेगाव( बू ) चे ठाणेदार यांनी सालोरी आणि अर्जुनी गावातील सर्व उमेदवारांची मीटिंग घेऊन निवडणूक प्रक्रिया शांततेत पार पाडावी या साठी सूचना दिल्या होत्या. त्या प्रमाणे सालोरी आणि अर्जुनी गावातील उमेदवार यांनी पोलिस प्रशासनाला सहयोग करीत मतदान प्रक्रिया शांततेत पार पाडण्यासाठी पुरेपूर सहयोग केला. त्यामुळे सालोरी आणि अर्जुनी गावातील मतदान प्रक्रिया पूर्णतः शांततेत पार पडली. गावकऱ्यांनी पण या वेळी ग्रामपंचायत निवडणूक येवढ्या शांततेत पार पडले या साठी शासनाचे आभार मानले.
सर्व उमेदवार यांनी एकतेचा संदेश देत मतदान झाल्यावर सोबत फोटो काढून आनंद व्यक्त केला.
