चंद्रयान -3 च्या यशस्वी मोहीमेमुळे भारत विश्व गुरू बनेल – डॉ. अंकुश आगलावे

वरोरा:- चंद्रयान 3 ही यशस्वी मोहीम फत्ते केल्याने भविष्यात भारत विश्व गुरू बनेल असे प्रतिपादन केंद्रीय मानवधिकार संगठन विदर्भ प्रदेश अध्यक्ष तथा श्री गुरूदेव प्रचारक डॉ. अंकुश आगालवे यांनी एका प्रसिध्दी पत्रका दरम्यान केले.
संपुर्ण विश्वाचे लक्ष भारताच्या चंद्रयान – 3 च्या मोहिमेकडे होते. भारताने मोठया कुशलतेने ही मोहीम फत्ते करून चंद्राच्या दक्षिण धृव या भागात आपले पाय रोवले. दक्षिण धृवावर उतरणारा भारत पहिला देश झाला आहे. इस्रोच्या वैज्ञानिक चमुने मोहीम काबीज करून चंद्रवार भारताचा झेंडा रोवला आहे. इस्रोच्या सर्व वैज्ञानिक चमुचे हार्दीक अभिनंदन व भविष्यातील पुढील अंतराळातील प्रत्येक मोहिमेस शुभेच्छा देण्यात आल्या.
भारत भविष्यात विश्व गुरू बनेल यात शंका नाही. संपूर्ण विश्वात भारतीयांचे वर्चस्व असून भारत विश्वगुरू बनण्याच्या दिशेने वाटचाल सुरू करीत आहे. सर्व भारतीयांना ही अभिमानाची बाब आहे. भारत देश महाशक्ती नव्हेतर विश्वगुरू बनेल यात शंका नाही डॉ. आगलावे यांनी प्रसिध्दी पत्रकास सांगितले.