वरोरा :- कोणताही चित्रपट जोपर्यंत चित्रपटगृहात प्रत्यक्ष प्रदर्शित होत नाही, तोपर्यंत तो वेगवेगळ्या माध्यमातून प्रेक्षकांशी संवाद साधत असतो. यामध्ये अर्थात चित्रपटाच्या संगीताचा सर्वात मोठा वाटा असला तरी त्याची पहिली ओळख आपल्याला होते ती पोस्टरपासून. मुंबई ,पुणे तसेच इतर मोठ्या शहरांमध्ये मोठ्या थाटामाटात सिनेमाचे पोस्टर लाँच केले जाते. त्याच धर्तीवर २५ ऑगस्ट ला प्रदर्शित होणाऱ्या सुभेदार सिनेमाचे निर्माते राजवारसा प्रॉडक्शन चे संचालक अनिल नारायण वरखडे यांनी २३ ऑगस्ट रोज बुधवारला वरोरा येथील गोठी मेडिकलच्या इमारतीवर मोठ्या थाटामाटात विविध मान्यवरांच्या हस्ते सुभेदार सिनेमाचे पोस्टर लाँच करण्यात आले .
चंद्रपुर जिल्ह्यात प्रथमच पोस्टर लॉंचिंग सोहळा आयोजित करण्यात आला होता. लोकशिक्षण संस्थेचे अध्यक्ष प्रा श्रीकांत पाटील, ज्येष्ठ सामाजिक कार्यकर्ते केशव ठमके, प्रसिद्ध व्यापारी नरेंद्र डोंगरवार, धीरज गोठी, विद्या भारती चे माजी पदाधिकारी अविनाश नेवासकर, विश्व् हिंदू परिषदेचे जिल्हा संपर्क प्रमुख, पराग दवंडे, पारस उद्योग समूहाचे संचालक अमोल मुथा, डॉ. सागर वझे, प्रकाश नाहर, शिवसेना (उ. बा ठा) जिल्हा प्रमुख , डॉ. हेमंत खापणे आदींच्या उपस्थितीत फलकाचे अनावरण करण्यात आले.
या प्रसंगाचे ड्रोन ने चित्रीकरण करून फुलांचा वर्षाव करताच तरुणांनी एकच जल्लोष केला. याप्रसंगी बोलताना प्रा श्रीकांत पाटील यांनी शिवचरित्रातील उदाहरणांचा दाखला देत मालुसरे घराण्याचे योगदान अधोरेखित केले. छत्रपती शिवरायांनी हिंदवी स्वराज्याची पताका आसमंतात फडकविली. आपल्या घरातील विवाह सोहळ्याची चिंता न करता तानाजी मालुसरे हे लढले. त्यांचे हे हौतात्म इतिहास कधीही विसरणार नाही से ते म्हणाले. वरोरा शहरातील अनिल नारायणराव वरखडे या तरुण निर्मात्याने संस्कारमय चित्रपटात ची निर्मिती करण्याचा केलेला संकल्प हा अभिनंदनीय असल्याचे ते यावेळी म्हणाले.
वरोरा शहरवासीयांसाठी ही अनोखी भेंट या चित्रपटाचे निर्माते अनिल नारायणराव वरखडे यांनी देत सुभेदार चित्रपटामागील भूमिका स्पष्ट केली. वीर सुभेदार तान्हाजी मालुसरे आणि सिंहगड युद्ध यावर हा चित्रपट आधारीत असल्याचे सांगत शिवराज अष्टकातील हे पाचवे चित्र पुष्प रसिकांनी आवर्जून पाहावे असे ते म्हणाले.
सुभेदार चित्रपटातील गीत
याप्रसंगी अनिल वरखडे यांचा शहरवासीयांतर्फे शॉल, श्रीफळ देऊन सत्कार करण्यात आला. कार्यक्रमाचे सूत्रसंचालन डॉ प्रशांत खुळे यांनी केले. सुभेदार चित्रपटातील गीतांनी परिसर निनादला होता. तरुण आणि रसिकांची मोठी उपस्थिती याप्रसंगी होती. २५ ऑगस्ट ला हा चित्रपट महाराष्ट्रास ५ देशांमध्ये प्रदर्शित होतो आहे . सदर चित्रपट शहरातली सत्यम सिनेमा मध्ये ही प्रदर्शित होणार असून वरोराकरांनी आपल्या कुटुंबासह हा चित्रपट बघावा असे आवाहन अनिल वरखडे यांनी यावेळी केले.
मुलाखत
