गडचिरोली:- सिरोंचा तालुक्यातील अतिदुर्गम व आदिवासीबहुल भाग म्हणून ओळख असलेल्या रेगुंठा उप पोलीस स्टेशन येथील नवीन प्रशासकीय इमारतीचे उद्घाटन १२ ऑगस्ट रोजी राज्याचे अन्न व औषध प्रशासन मंत्री राजे धर्मराव बाबा आत्राम यांच्याहस्ते करण्यात आले.यावेळी गडचिरोली परिक्षेत्राचे पोलीस उप महानिरीक्षक संदीप पाटील, गडचिरोलीचे पोलीस अधीक्षक निलोत्पल,अप्पर पोलीस अधीक्षक (अभियान) अनुज तारे,अप्पर पोलीस अधीक्षक (प्रशासन) कुमार चिंता,अप्पर पोलीस अधीक्षक (प्राणहिता) यतीश देशमुख, सिरोंचाचे उपविभागीय पोलीस अधिकारी सुहास शिंदे आदी उपस्थित होते.
मंत्री धर्मराव बाबा आत्राम यांच्या हस्ते नवीन प्रशासकीय इमारतीचे उद्घाटन झाल्यावर या ठिकाणी भव्य जनजागरण मेळाव्याचे आयोजन करण्यात आले होते.मेळाव्यात उपस्थित मान्यवरांनी मार्गदर्शन केले. पोलीस प्रशासनातर्फे परिसरातील नागरिकांना विविध दाखले,जीवनावश्यक वस्तू वाटप करण्यात आले.
विशेष म्हणजे मंत्री धर्मराव बाबा आत्राम यांचा हा अहेरी निर्वाचन क्षेत्रातील गाव असून मंत्रिपद मिळाल्यानंतर पहिल्यांदाच त्यांनी रेगुंठा गावाला भेट दिली. या मेळाव्यात उपस्थित परिसरातील शेकडो नागरिकांसोबत त्यांनी संवाद साधून समस्या जाणून घेतली.नुकतेच अतिवृष्टीमुळे या भागातील पक्के रस्ते,नदी,नाल्यावरील पूल वाहून गेल्याची माहिती नागरिकांनी दिली.
मंत्री धर्मराव बाबा आत्राम यांनी ५ ऑगस्ट रोजी जिल्हा मुख्यालयात सर्व विभागांचा आढावा घेतले होते.त्याच वेळी त्यांनी सार्वजनिक बांधकाम विभागाला त्वरित दुरुस्तीच्या कामाला सुरुवात करण्याचे निर्देश दिल्याचे सांगितले. यावेळी परिसरातील नागरिक मोठ्या संख्येने उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
