वरोरा :- आनंद निकेतन महाविद्यालय, आनंदवन या महाविद्यालयाची बी एस सी तृतीय वर्षाला शिकणारी विद्यार्थिनी हेमंती भुजाडे ने 1 ते 5 जुलै 2023 दरम्यान लवली प्रोफेशनल युनिव्हर्सिटी, जालंधर, पंजाब येथे आयोजित झालेल्या वाको इंडिया नॅशनल सिनिअर अँड मास्टर्स किक् बॉक्सिंग चॅम्पियनशिप 2023-24 या स्पर्धेमध्ये आपल्या खेळाचे उत्कृष्ट प्रदर्शन करत कांस्यपदक प्राप्त केले.
हेमंती च्या परिवाराची परिस्थिती अतिशय सामान्य आहे. गेल्या दहा वर्षापासून हेमंती किक बॉक्सिंग या खेळाचे प्रशिक्षण घेत आहे. मुलगी असून सुद्धा किक् बॉक्सिंग सारख्या अतिशय कठीण अशा खेळामध्ये सहभागी होण्याकरिता तिच्या आई-वडिलांची भक्कम साथ आहे. सतत चार वर्षापासून आनंद निकेतन महाविद्यालयाच्या मैदानावर किक बॉक्सिंग या खेळाचे प्रशिक्षण घेत आहे. कुमारी हेमंती नियमित महाविद्यालयाच्या क्रीडांगणावर आपल्या खेळाचा सराव करत असते. तिच्या याच मेहनतीमुळे तिने राष्ट्रीय स्तरावर कांस्यपदक प्राप्त केले. मागील वर्षी सुद्धा तिने राष्ट्रीय स्पर्धेत सुवर्णपदक प्राप्त केले होते.
तिच्या या विजयाचे महाविद्यालयाचे प्राचार्य डॉ. मृणाल काळे, उपप्राचार्य प्रा.राधा सवाने, आणि शारीरिक शिक्षण व क्रीडा विभाग प्रमुख प्रा. तानाजी बायस्कर यांनी कौतुक केले व पुढील वाटचाली साठी शुभेच्छा दिल्या.
