सोबतच नियमित पीक कर्जफेड करणाऱ्या शेतकऱ्यांच्या खात्यात सानुग्रह अनुदान तात्काळ जमा करा
भद्रावती : कोविड-१९ विषाणूच्या प्रादुर्भावामुळे मयत झालेल्या कर्जदाराच्या कर्जफेडीची जवाबदारी संबंधित विधवा महिलेवर व वारसदारांवर आहे. त्यामुळे कोविडने मयत झालेल्या कर्जदारांच्या विधवांवरील कर्ज माफ करून त्यांना कर्जमुक्त करा, अशी मागणी शिवसेना (उध्दव बाळासाहेब ठाकरे गट) वरोरा भद्रावती विधानसभा अध्यक्ष रवींद्र शिंदे यांनी केलेली आहे.
घराचा कर्ता पुरुष गेल्यानंतर कुटुंबावर दुःखाचा डोंगर कोसळतो. व्यवस्थित सुरू असलेला संसार अस्तव्यस्त होतो. नियमित असलेली मिळकत बंद पडते. याचा परिणाम घरातील इतर सदस्यांवर होतो. कुटुंबाची आर्थिक घडी बिघडते. परिणामी पतीने घेतलेल्या कर्जफेडीची संपूर्ण जबाबदारी ही कुटुंबातील महिलेवर व वारसदारांवर येते. कर्जावरील व्याज वाढत राहते व कर्जाचे हफ्ते थकीत होतात. कोविड ही एक मानवावर आलेली आपत्ती होती. ती महामारीची परिस्थिती अनेकांचे संसार उद्ध्वस्त करून गेली. या सर्वांचा गांभीर्याने विचार करून राज्य सरकारने कोविड-१९ विषाणूच्या प्रादुर्भावामुळे मयत झालेल्या कर्जदाराचे कर्ज माफ करावे. व कोविडच्या प्रभावाने विधवा झालेल्या महिलांना तथा वारसदारांना कर्जमुक्त करावे, अशी मागणी आहे.
कोरोना प्रादुर्भावाचा काळ संपून बराच कालावधी झाला आहे. म्हणून राज्य सरकारने त्वरित माहिती संकलित करावी व कर्ज बाधित विधवांना व वारसदारांना दिलासा द्यावा. सोबतच अद्यापपावेतो नियमित पीक कर्जाचा भरणा केलेल्या शेतकऱ्यांच्या खात्यावर सानुग्रह अनुदान जमा झालेला नाही. त्यामुळे नियमित पीक कर्ज भरणाऱ्या शेतकऱ्यांच्या खात्यात तात्काळ सानुग्रह अनुदान जमा करावे, अशीही मागणी रवींद्र शिंदे यांनी केलेली आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
