गोंडपिपरी(सुरज माडुरवार) :- तालुक्यातील तारसा खुर्द येथील शांताराम भोयर वय (५५) हा शेतकरी दि.(२१)बुधवारी शेता लगत असलेल्या नाल्यात बैल धुन्यासाठी गेला असता नाल्यात पाण्याचे प्रमाण जास्त असल्याने पाण्याच्या प्रवाहात वाहून गेला होता.याबाबततीची माहित गोंडपीपरी पोलिसांना दिली असता ठाणेदार जीवन राजगुरू,पीएसआय धर्मराज पटले,बिट जमादार शंकर मंने, सुदाम मुंडे,अमित गुरनुले,विलास जाधव यांनी शोध मोहीम सुरू केली.
अश्यातच आज दि.(२२) गुरवारला सकाळ पासून गोंडपीपरी पोलीस आणि रेस्क्यू टीम ने शोध मोहीम राबविली असता त्या शेतकऱ्यांचा मृतदेह सालेझरी-राळापेठ मार्गावरील नाल्यापासून 100 मीटर अंतरावर मच्छिमारांनी मासोळ्या पकडण्यासाठी लावलेल्या जाळ्यात अडकलेल्या स्तिथीत आढळून आला.मृतकाचा मृतदेह पाण्याबाहेर काढून उत्तरणीय तपासनीकरिता ग्रामीण रुग्णालय गोंडपीपरी येथे आणण्यात आले आहे . पुढील तपस गोंडपिपरी पोलीस करीत आहे .
