प्रसिद्ध वक्ते प्रा. श्रीकांत पाटील आज भद्रावतीत

भद्रावती:- स्थानिक विवेकानंद महाविद्यालयात योद्धा संन्यासी स्वामी विवेकानंद बहुउद्देशीय पालक – मित्र मंडळ भद्रावती द्वारा महायोगी श्री. अरविंद जयंती निमित्त वरोरा येथील सुप्रसिद्ध वक्ते तथा लोक शिक्षण संस्था,वरोडा चे अध्यक्ष प्रा. श्रीकांत पाटील यांच्या जाहीर व्याख्यानाचे आयोजन करण्यात आलेले आहे. ते आपल्या व्याख्यानातून “महायोगी श्री अरविंद यांचे जीवन व कार्य” या विषयावर मार्गदर्शन करणार आहेत. अध्यक्षस्थानी महाविद्यालयाचे प्राचार्य डॉ नामदेव उमाटे असतील. तरी भद्रावती शहरातील व्याख्यानप्रेमी नागरिकांनी आज दुपारी १२ वाजता विवेकानंद महाविद्यालयातील श्री माॅ सभागृहात होणाऱ्या या व्याख्यानाचा लाभ घ्यावा असे आवाहन पुरुषोत्तम मते, प्रा. रमेश पारेलवार यांनी केले आहे.