मारेगाव(गजानन देवाळकर ):- तालुक्यातील शेतकऱ्याच्या शेतात कायमस्वरूपी सिंचनाची सोय उपलब्ध करून देण्यासाठी निर्माण करण्यात आलेल्या बेंबळा प्रकल्याचे सदोष कामामुळे शेतीपिकाचे मोठ्या प्रमाणात नुकसान झाले असुन या नुकसानग्रस्त शेतकऱ्यांची मार्डी या गावी सभा आयोजित करण्यात आली होती सभेच्या अध्यक्षस्थानी मारेगाव तालुका सरपंच संघटनेचे अध्यक्ष अविनाश लांबट होते तर प्रमुख पाहुणे म्हणून उपसभापती संजय आवारी मारेगाव तालुका कृषी अधिकारी सुनील निकाळजे, सरपंच रविराज चंदनखेडे,मार्डीचे माजी सरपंच भास्कर धानफुले उपसरपंच सुरेश लांडे ,अभिजित मांडेकर, सरपंच प्रवीण नान्ने, राहुल आत्राम, रामचंद्र जवादे,पत्रकार संघटनेचे अध्यक्ष सुमित हेपट प्रामुख्याने उपस्थित होते.
गेल्या चार दिवसा पासून सुरु असलेल्या अतिवृष्टीमुळे अनेक शेतकऱ्यांचे मोठ्या प्रमाणात नुकसान झाले आहे. अशातच कुंभा,मार्डी परिसरातील बेंबळा प्रकल्पाचे कालवे फुटून शेतीपिकाचे नुकसान झाले आहे.सदोष कामामुळे नुकसान झालेल्या शेतकऱ्यांना नुकसान भरपाई मिळावी या प्रमुख मागणी साठी ही सभा मार्डी येथील हनुमान मंदिराच्या सभागृहात पार पडली. यावेळी बेंबळा प्रकल्पग्रस्त शेतकरी हक्क संघर्ष समिती गठीत करण्यात आली. नुकसान ग्रस्त शेतकऱ्यांना पुढील हंगाम कसा करावा याबाबतचे मार्गदर्शन कृषी अधिकारी सुनील निकाळजे यांनी केले.सूत्रसंचालन भास्कर राऊत यांनी केले, यशस्वीतेसाठी दिलीप खेकारे, सुमित जुनगरी, सतीश ताजने,वसंत ताजने, साईनाथ बावणे, प्रदीप डाहुले, यासह सरपंच संघटनेच्या पदाधिकाऱ्यांनी परिश्रम घेतले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
