चंद्रपूर :- अखिल भारतीय विद्यार्थी परिषद शाखा चंद्रपूर तर्फे दरवर्षीप्रमाणे यंदाही उत्कर्ष – 2022 व्यक्तिमत्त्व विकास शिबिराचे आयोजन करण्यात आले होते. हे शिबीर दिनांक 04 व 05 जून 2022 ला डॉ. श्यामाप्रसाद मुखर्जी सभागृहात संपन्न झाले. या शिबिराला चंद्रपूर महानगरातील विविध शाळा व महाविद्यालयाचे 112 विद्यार्थी व विद्यार्थिनी उपस्थित होते.
या शिबीराला उद्घाटक म्हणून ॲड.अभय पाचपोर, जिल्हा संयोजक प्रविण गिलबिले, नगर सह मंत्री वैदेही मुडपल्लीवर, शिबीर संयोजक पियूष बनकर यांची उपस्थिती होती. दीप प्रज्वलन व स्वामी विवेकानंद व माता सरस्वती यांच्या प्रतिमेचे पूजन करून या शिबराची सुरुवात करण्यात आली.
यानंतर या शिबिराच्या वेगवेगळ्या सत्राला सुरुवात करण्यात आली. या मध्ये ॲड. नंदिता नायर यांनी सायबर अवेअरनेस या विषयांवर मार्गदर्शनपर माहिती दिली. यानंतर प्रा. शितल बोहरा यांनी करियर गायडन्स या या विषयावर मार्गदर्शन केले. यानंतर टीम बिल्डिंग एक अनुभूती हे खेळ खेळण्यात आले. यानंतर दुसऱ्या दिवशी अमित पटले यांनी भावनिक बुद्धिमत्ता व व्यक्तिमत्त्व विकास या विद्यार्थ्यांना मार्गदर्शन केले व विद्यार्थ्यांशी चर्चा केली. सुदर्शन बारपत्रे यांनी कला क्षेत्र व विद्यार्थी यावर मार्गदर्शन केले. यानंतर डॉ. प्रशांत आर्वे यांनी आजचा युवक व भारत या विषयावर वेगळे उदाहरण देऊन विद्यार्थ्यांना मार्गदर्शन केले. त्यानंतर ओपन माईक एक चर्चासत्र हे घेण्यात आले. त्यानंतर या शिबिराच्या समारोपीय सत्राला सुरुवात झाली. यास समारोपीय सत्राचे सूत्रसंचालन रोहिणी ठाकरे यांनी केले. प्रस्ताविक शिबीर संयोजक प्रविण गिलबिले यांनी केले. अभाविप जिल्हा संयोजक यांच्या हस्ते उत्कृष्ट शिबिरार्थी विद्यार्थिनी व विद्यार्थी असे दोन पारितोषिक व सन्मान चिन्ह व प्रमाणातपत्र देऊन विद्यार्थ्यांना गौरविण्यात आले . यानंतर समारोपीय भाषण अमित पटले यांनी केले. या कार्यक्रमाचे आभारप्रदर्शन सहनगर मंत्री वैदेही मुडपल्लीवार यांनी केले. या शिबीराला यशस्वी करण्याकरिता शैलेश दिंडेवार, वैदेही मुडपल्लीवार, भाग्यश्री नागपुरे, प्रियांका चिताडे, रोहिणी ठाकरे, पियुष बनकर , शकिल शेख, गणेश नक्षीने, जयेश भडगरे, निशांत नंदनवार, तन्मय बनकर,भूषण डफ, सूरज गुरणुले, कमलेश सहारे, आदी अभाविप कार्यकर्त्यांनी अथक परिश्रम घेतले. यावेळी अभाविप कार्यकते व हितचिंतक व नागरिक उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
