५८ कोटी रुपयांची बनावट उलाढाल दाखवून कर चुकविल्याप्रकरणी एकास अटक
बोगस विक्री बिले निर्गमित प्रकरणी न्यायालयीन कोठडीस मुदतवाढ
मुंबई:- खोटी बिले देऊन शासनाची करोडो रुपयांची महसूल हानी केल्याप्रकरणी, करचुकवेगिरीसाठी मे.ओम साई इंटरप्राईसेसचे मालक अनिल जाधव यांना महाराष्ट्र वस्तू व सेवाकर विभागाने दि.19 एप्रिल 2022 रोजी अटक केली आहे.
खोटी बिले देऊन शासनाची करोडो रुपयांची महसूल हानी करणाऱ्या व्यापाऱ्यांविरुद्ध राज्य शासनाच्या वस्तु व सेवाकर विभागाने हाती घेतलेल्या विशेष मोहिमेअंतर्गत मे. ओम साई इंटरप्राईसेस या प्रकरणात अन्वेषण करण्यात आलेले आहे.
मे. ओम साई इंटरप्राईसेसचे मालक अनिल जाधव हे प्रत्यक्षात कोणत्याही वस्तु व सेवा यांचा प्रत्यक्ष पुरवठा करीत नाहीत. तर फक्त खोटी बिजके देत असल्याचे या प्रकरणातील तपासणीदरम्यान आढळले आहे. या व्यक्तीच्या विवरण आणि बँक खात्यांमधून रु. 58 कोटींची बनावट तसेच बेहिशेबी उलाढाल दाखवून आणि 10.45 वस्तू व सेवा कर त्यांच्या प्राप्तकर्त्यांना स्थानांतरित करुन 10.45 कोटी रुपयांच्या कर महसुलाची हानी केली असल्याचे या प्रकरणातील तपासणीदरम्यान आढळून आले आहे.
अन्वेषणादरम्यान जाधव हे महसूल हानीमध्ये सहभागी असल्याचे निष्पन्न झाले. त्यामुळे अनिल जाधव याला महाराष्ट्र वस्तू व सेवाकर विभागाने करचुकवेगिरीसाठी दि.19 एप्रिल 2022 रोजी अटक केली आहे. या व्यक्तीचे कृत्य हे दखलपात्र व अजामीनपात्र गुन्हा असून वस्तू व सेवा कर कायदा 2017 नुसार तुरुंगवासास पात्र आहे. त्याला मुख्य न्यायाधीश, ठाणे यांनी दि.02. मे 2022 पर्यंत न्यायालयीन कोठडी सुनावली आहे.
या प्रकरणात अन्वेषण अधिकारी प्रेमजीत रणनवरे (सहाय्यक राज्यकर आयुक्त) हे देवेंद्र शिंदे (राज्यकर उपायुक्त) यांच्या मार्गदर्शनाखाली अधिक तपास करीत आहेत. या कार्यवाहीसाठी महेंद्र काटकर (सहायक राज्यकर आयुक्त) आणि तात्यासाहेब ढेरे (सहायक राज्यकर आयुक्त) यांचा सक्रिय सहभाग आहे.या कार्यवाहीसाठी राजेंद्र मसराम (राज्यकर सह-आयुक्त) तसेच गोविंद बिलोलीकर (अतिरिक्त राज्यकर आयुक्त) यांचे विशेष मार्गदर्शन लाभले.
अशी फसवेगिरीची प्रकरणे शोधून त्यावर कार्यवाहीसाठी सर्वसमावेशक पृथ:करण साधनाच्या वापरावर विशेष भर देण्यात येत आहे.
अशा प्रकारच्या अटक कार्यवाहीद्वारे विभागाने कर चुकवेगिरी करणाऱ्या व्यक्तींना कडक इशारा दिलेला आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
