मुलचेरा:तालुक्यातील शांतिग्राम येथे भव्य कबड्डी स्पर्धेचे आयोजन करण्यात आले असून या स्पर्धेचे उदघाटन शनिवार (२८ सप्टेंबर) रोजी राज्याचे अन्न व औषध प्रशासन मंत्री धर्मराव बाबा आत्राम यांच्याहस्ते करण्यात आले.
नेताजी युवा कबड्डी क्लब शांतिग्रामच्या वतीने भव्य खुले कबड्डी सामन्यांचे आयोजन करण्यात आले. या स्पर्धेसाठी मंत्री धर्मराव बाबा आत्राम यांच्यातर्फे ३० हजार रुपयांचा प्रथम पारितोषिक, सिनेट सदस्य तनुश्री आत्राम यांच्यातर्फे २० हजार रुपयांचा द्वितीय पारितोषिक आणि माजी प.स.सदस्य हर्षवर्धन बाबा आत्राम यांच्यातर्फे १० हजार रुपयांचा तृतीय पारितोषिक देण्यात आले आहे. या स्पर्धेसाठी परिसरातील कबड्डी चमू मोठ्या संख्येने सहभागी झाले आहेत.
दरम्यान या स्पर्धेच्या उद्घाटन प्रसंगी शांतीग्राम येथे मंत्री आत्राम यांचे आगमन होताच गावकऱ्यांनी जल्लोषात त्यांचे स्वागत केले. स्पर्धेचे उद्घाटन करून उपस्थित खेळाडूंना मंत्री धर्मराव बाबा आत्राम यांनी शुभेच्छा दिले.त्यानंतर त्यांच्या उपस्थितीत उदघाटनिय सामना रंगला.
यावेळी पंचायत समितीचे माजी सदस्य हर्षवर्धन बाबा आत्राम, राष्ट्रवादी काँग्रेसचे जिल्हाध्यक्ष रवींद्र वासेकर, राष्ट्रवादी काँग्रेसचे ज्येष्ठ कार्यकर्ते बबलू हकीम, कार्याध्यक्ष रियाज शेख, सरपंच अर्चना बैरागी,राकॉचे कार्यकर्ते कैलास कोरेत, उपसरपंच श्रीकांत समजदार, राष्ट्रवादी काँग्रेसचे ज्येष्ठ कार्यकर्ते अमित मुजुमदार,राजेश रंगुलवार, आदित्य घरामी, सपन डे, सत्यवान सिडाम, राजू सोनटक्के, गजू रामटेके, बालाजी सिडाम,अनिल सोयाम, ईश्वर उरेते तसेच शांती ग्राम येथील नागरिक मोठ्या संख्येने उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
