अहेरी:- केवळ बोर्डाची परीक्षा किंवा पदव्या घेऊन विद्यार्थ्यांचा विकास होत नसतो तर स्पर्धा परीक्षेतूनच जीवनाला नवी कलाटणी मिळत असते असे प्रतिपादन राज्याचे अन्न व औषध प्रशासन मंत्री तथा गोंदिया जिल्ह्याचे पालकमंत्री ना. धर्मराव बाबा आत्राम यांनी केले.
ते शनिवार 28 सप्टेंबर रोजी येथील वासवी सेलिब्रेशन हॉल करीयर मार्गदर्शन महाशिबिरात अध्यक्षीय स्थानावरून बोलत होते.यावेळी विचार पिठावर प्रमुख अतिथी म्हणून हर्षवर्धनराव बाबा आत्राम, पंचायत समितीचे माजी सदस्य, तनुश्रीताई आत्राम सिनेट सदस्या गोंडवाना विद्यापीठ गडचिरोली, ज्येष्ठ नेते बबलु भैय्या हकीम, राष्ट्रवादी काँग्रेस पक्षाचे जिल्हाध्यक्ष रवींद्र वासेकर, कार्यकारी जिल्हाध्यक्ष रियाज शेख, रा.काँग्रेसचे तालुकाध्यक्ष नागेश मडावी, सामाजिक कार्यकर्ते सुरेंद्र अलोणे, कैलास कोरेत, माजी प्राचार्य रतन दुर्गे, प्राचार्य मारोती टिपले, प्राचार्य गणपत मेश्राम, नगर सेवक विलास सिडाम आदी मान्यवर उपस्थित होते.
अध्यक्षीय स्थानावरून पुढे बोलताना ना. धर्मराव बाबा आत्राम म्हणाले की, स्पर्धा परीक्षेतील यश हे किती नामांकित शाळेत शिकलो यावर अवलंबून नसून केवळ गुणवत्तेवरच आधारित असून सामान्य वर्गातूनच स्पर्धा परीक्षा मिळवणाऱ्यांचे प्रमाण अधिक आहे जिद्द आणि मेहनत बरोबर अभूतपूर्व यश हा फार्मूलाही त्यांनी विद्यार्थ्यांना दिला.केवळ दहावी, बारावी, पदवी घेऊन उत्तीर्ण होणे म्हणजे शिक्षण नव्हे , तर स्पर्धा परीक्षेत यश संपादन करून एमपीएससी, युपीएससीचे लक्ष्य गाठणे हेच खरे शिक्षण असून यातून जीवनात, कुटुंबात पर्यायाने समाजात एक नवी कलाटणी प्राप्त होते आणि विद्यार्थ्यानी उत्तमोत्तम व दर्जेदार शिक्षण घेऊन स्पर्धा परीक्षेकडे अधिक लक्ष घालणे काळाची गरज असल्याचे म्हणत मोलाचे मार्गदर्शन यावेळी केले.
यावेळी सिनेट सदस्या तनुश्री ताई आत्राम,रवींद्र वासेकर बबलु हकीम, सुरेंद्र अलोणे यांनी सुद्धा स्पर्धा परीक्षे विषयी आपले मनोगत व्यक्त केले. याच वेळी गुणवंत विद्यार्थ्यांचे मान्यवरांच्या शुभहस्ते गौरविण्यात आले. तर उपस्थित सर्वांना भारतीय संविधान पुस्तक भेट देण्यात आले.
कार्यक्रमाचे प्रास्ताविक डॉ.अतुल परशुरामकर यांनी तर सूत्रसंचालन रुपेश कराळे यांनी केले. यावेळी प्राध्यापक वृंद, शिक्षक, शिक्षिका व बहुसंख्येने विद्यार्थी, विद्यार्थिनी उपस्थित होते. यशस्वितेसाठी धर्मराव बाबा आत्राम मित्र परिवार आणि नारायणन आय.ए.एस.अकॅडमी, नागपूर यांनी परिश्रम घेतले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
