गडचिरोली: राज्य सरकारने नुकताच राज्याचा अंतरिम अर्थसंकल्प सादर केला. त्यात ‘मुख्यमंत्री माझी लाडकी बहीण’ योजनेची घोषणा केली होती. या योजनेचा लाभ घेण्यासाठी राज्यभर लाडक्या बहिणींच्या रांगा लागल्याचे दिसून येत आहेत.या योजनेला मोठा प्रतिसाद देखील मिळत आहे. मात्र राज्य भारतील लाडक्या बहिणींना नेमकं लाभ केंव्हा मिळणार याबाबत प्रश्न निर्माण झाला होता.मात्र,देवेंद्र फडणवीसांनी गडचिरोलीतील एका कार्यक्रमात थेट घोषणाच केली आहे.मात्र,त्यात सुरुवातीला घोषणा केल्याप्रमाणे काही अटी कायम राहणार असून कुणाचेही नुकसान होणार नसल्याचे त्यांनी सांगितले.
गडचिरोली जिल्ह्यातील अहेरी विधानसभा क्षेत्रात येत असलेल्या वडलापेठ येथे एका स्टील प्रकल्पाच्या भूमिपूजन प्रसंगी ते आले होते. त्यांच्या हस्ते मोठ्या जल्लोषात या प्रकल्पाची पायाभरणी करण्यात आली. या कार्यक्रमाला राज्याचे उपमुख्यमंत्री अजित पवार, उद्योग मंत्री उदय सामंत, अन्न व औषध प्रशासन मंत्री धर्मराव बाबा आत्राम, राष्ट्रवादी काँग्रेसचे युवा नेते पार्थ पवार आदी मान्यवर उपस्थित होते. यावेळी पत्रकारांशी संवाद साधताना त्यांनी सध्या चर्चेत असलेल्या ‘लाडकी बहीण योजने’बाबत मोठी घोषणा केली.
देवेंद्र फडणवीस म्हणाले की, ‘मुख्यमंत्री लाडकी बहीण’ योजनेचे लाखो संख्येने अर्ज भरले जात आहे. या योजनेचा लाभ केव्हा मिळणार याकडे सर्वांचे लक्ष लागले आहे.मात्र आता ही प्रतीक्षा संपली असून १५ ऑगस्ट ते १९ ऑगस्ट रक्षाबंधनाच्या दरम्यान पहिल्या टप्प्यातील निधी दिली जाणार असल्याचे त्यांनी सांगितले. ही निधी देत असताना सुरुवातीला घोषणा केल्याप्रमाणे ३१ ऑगस्ट पर्यंत ज्यांचे अर्ज येतील त्यांचे अर्ज जुलै मध्ये आले असं समजून त्यांनाही त्याच्या पुढच्या महिन्यामध्ये जुलै आणि ऑगस्टचे पैसे आम्ही देणार आहोत. यात कोणाचाही नुकसान होणार नाही असेही त्यांनी सांगितले.
एकंदरीत मुख्यमंत्री लाडकी बहीण योजनेतील पहिला हप्ता आता ऑगस्ट महिन्यात मिळणार असून महायुती सरकारचा लाडक्या बहिणींना रक्षाबंधनाची मोठी भेट दिली जाणार आहे. त्यामुळे विधानसभा निवडणुकीच्या आचारसंहितेपूर्वीच लाडक्या बहिणींच्या खात्यात निधी जमा होणार अशी आशा निर्माण झाली आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
