देसाईगंज :-
देसाईगंज तालुक्यातील सावंगी येथे अवैद्यरित्या रेती डंम्पींग केली असल्याची माहिती मिळताच अवैध गौण खनिज उत्खनन शोध पथकाच्या नेतृत्वात तीन ते चार ठिकाणी धाड टाकुन जप्त केले आहे. सदर अवैद्य रेती चा साठा कुणी केले याबाबत अद्यापही माहिती न मिळाल्याने दंडात्मक कारवाई केली नसल्याचे सांगीतले जात आहे.
देसाईगंज तालुक्यात विर्शि,कुरुड,कोंढाळा,सावंगी, जुनी वडसा, आमगांव ही वैनगंगा नदिवरील रेती घाट आहेत. तर शंकरपुर,किन्हाळा,उसेगाव, बोडधा,अरततोंडी, कोकडी, विसोरा ही गाढवी नदिवरील रेती घाट आहेत. या रेती घाटाच्या लिलावातुन शासनाला दरवर्षी कोट्यावधी रूपयांचा महसूल मिळत असतो. रेती लिलाव प्रकरण थंडबस्त्यात असल्याने याचा गैरफायदा मात्र रेती तस्करांनी चांगलाच घेतला असुन वैनगंगा नदिवरील व गाढवी नदिवरील पात्रातील रेतीचा बेकायदेशिर उपसा करुन घाटातून रेतीची तस्करी केली जात असुन प्रती ट्रक्टर पाच ते सात हजार रुपये तर सतरा ते विस हजार रुपये प्रती टिप्पर ट्रक विकल्या जात आहे.
मात्र, देसाईगंज येथील रेती तस्करांनी एकत्र येत उपरोक्त रेतीघाटातून रात्रीच्या सुमारास ते पहाटेच्या सुमारास खुलेआम रेतीची तस्करी केली जात आहे.महसुल विभागाचे बरेच अधिकारी व कर्मचारी मुख्यालयीच रहात नसल्याने याचा गैरफायदा सुटीच्या दिवशी व शनिवार,रविवार ला रेती तस्करांचे चांगलेच फावते. एवढ्या मोठ्या प्रमाणात रेती तस्करी होत आहे, याबाबतची माहिती महसूल विभागातील अधिकाऱ्यांना असतांना मात्र याकडे महसूल विभागाचे अधिकारी दुर्लक्ष करीत आहेत. रेती तस्करांनी नदी पात्रात मोठमोठे खड्डे तयार केले आहेत.रेती ची चोरी होत आहे ही बाब महसुल अधिकारी खाजगीत मान्य करतात.मात्र कारवाई का करित नाही हे न उलगडणारे कोडेच आहे. दरम्यान, काल रात्री सावंगी येथील ५० ते ६० च्या संख्येने असलेल्या जागृत नागरिकांनी महसूल विभागाला फोन करून सांगितले.शासकीय जागेमध्ये अवैद्यरित्या डंम्पींग केलेली रेती जवळ पास पाच ते सहा ठिकाणी अवैद्य रेती चा साठा करुन ठेवले असुन जप्त करण्यात आले आहे. अवैद्य रेती करणारा तस्कर व अवैद्य रेती चा साठा करणाय्राचे नाव अद्यापही कळले नसल्याने दंडात्मक कारवाई केली नसल्याचे सांगीतले जात आहे. सदर कारवाई अवैध गौण खनिज उत्खनन शोध पथकाचे मंडळ अधिकारी के पी ठाकरे, तलाठी सावंगी यू एल वनकर, तलाठी आमगाव बीरमल लोखंडे, जुनी वडसा तलाठी विनोद चट्टे व कोतवाल कमलेश मेश्राम यांनी पार पाडली.
..
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
