मूल प्रतिनिधी
राष्ट्रवादी काँग्रेस पार्टीच्या वतीने पक्षाचे जिल्हाध्यक्ष नितीनभाऊ भटारकर यांच्या मार्गदर्शनाखाली तालुका अध्यक्ष मंगेश पोटवार आणी इतर पदाधिकाऱ्याच्या उपस्थितीत महिला दिनाच्या पार्श्वभूमीवर मूलच्या तहसीलदार मृदुला मोरे यांचा राष्ट्रवादी काँग्रेस पार्टीच्या वतीने क्रांतीज्योती सावित्रीबाई फुले यांची प्रतिमा भेट देत शाल,श्रीफळ देऊन त्यांचे सत्कार करून अभिनंदन करण्यात आले.
यावेळी तहसीलदार मोरे यांनी अत्यंत प्रतिकूल परिस्थितीत शिक्षण घेत तहसीलदार या पदापर्यंत पोहोचल्याबद्दल राष्ट्रवादी काँग्रेस पार्टीच्या वतीने अभिनंदन करून त्यांचा गौरव करण्यात आला.
यावेळी त्याच्याकडून मुल तालुक्यातील सर्वसामान्य व्यक्तीला भेडसावणाऱ्या समस्या सोडविण्यासाठी प्रयत्न करण्याची अपेक्षा उपस्थित कार्यकर्त्याकडून व्यक्त करण्यात आली.तहसीलदार मृदुला मोरे यांनी क्रांतिज्योती सावित्रीबाई फुले यांची प्रतिमा भेट देऊन केलेल्या सत्काराबद्दल राष्ट्रवादी काँग्रेस च्या पदाधिकाऱ्यांचे आभार मानले.
यावेळी राष्ट्रवादी काँग्रेस पक्षाचे मुल शहर अध्यक्ष आकाश येसनकर,महिला तालुका अध्यक्ष संगीताताई गेडाम,युवक तालुका अध्यक्ष रोहित कामडे,महिला शहर अध्यक्ष धाराताई मेश्राम, तालुका उपाध्यक्ष महेंद्र कोडापे,वैद्यकीय मदत कक्षाचे तालुका अध्यक्ष आनंदराव गोहने,सोशल मीडिया चे प्रमुख भावेश रामटेके,रोजगार आघाडीचे मुल शहर प्रमुख रजत कुकुडे,अल्पसंख्यांक चे शहर अध्यक्ष आशु खान,सुवर्णाताई रामटेके,माला शेंडे,रंजना सुखदेवे,सूरज गिरडकर,पंकज जवडे,साहिल खोब्रागडे, प्रणय रायपुरे,रोहित शेंडे,आदित्य गेडाम,दिपक लांबूवार आदी पदाधिकारी उपस्थित होते.
