भद्रावती : मार्च २०२३ मध्ये झालेल्या माध्यमिक शालांत प्रमाणपत्र परीक्षेत स्थानिक विवेकानंद माध्यमिक विद्यालयातील गुणवंत विद्यार्थ्यांचा सत्कार करण्यात आला.
सदर परीक्षेत गुणानुक्रमे प्रथम, द्वितीय व तृतीय आलेले विद्यार्थी अनुक्रमे चेतन सतई, प्रचित सालवटकर व राखी खारटकर या विद्यार्थ्यांना विद्यालयाचे प्रभारी मुख्याध्यापक अनिल धवस, सहायक शिक्षक दयाकर मग्गीडवार, आशा मते, तुकाराम पोफळे, पुरुषोत्तम श्रीरामे, संजय आगलावे, कनिष्ठ लिपिक विनोद गावंडे व इतर शिक्षकेत्तर कर्मचारी यांचे हस्ते पुष्पगुच्छ देऊन गौरविण्यात आले.
परीक्षेत प्राविण्यप्राप्त तसेच उत्तीर्ण झालेल्या सर्व विद्यार्थ्यांचे आणि त्यांना मार्गदर्शन करणाऱ्या सर्व शिक्षकांचे विवेकानंद ज्ञानपीठ संस्थेचे अध्यक्ष पु. वा. स्वान , सचिव अमन टेमुर्डे, उपाध्यक्ष जयंत टेमुर्डे, सहसचिव राजु गावंडे यांच्यावतीने अभिनंदन करण्यात आले व भविष्यातील वाटचालीसाठी शुभेच्छा देण्यात आल्या.
