गडचिरोली:-विद्यार्थ्यांनी परिश्रम करून कौशल्य आत्मसात करावे.आपल्या आवडीचा अभ्यासक्रम निवडून त्यात प्राविण्य मिळविण्यासाठी प्रयत्न करावे. उद्योजक होण्यासाठी शासनाच्या अनेकविध योजना असून युवकांनी शासनाच्या विविध योजनांचा लाभ घेऊन आपले करिअर घडवावे, असे आवाहन अहेरी विधानसभा क्षेत्राचे आमदार धर्मराव बाबा आत्राम यांनी केले.
शासकीय औद्योगिक प्रशिक्षण संस्था, आलापल्ली येथे 2 जून रोजी आयोजित छत्रपती शाहू महाराज युवाशक्ती करिअर मार्गदर्शन शिबिराचे उद्घाटक म्हणून ते बोलत होते. अध्यक्षस्थानी अहेरी नगरपंचायतचे मुख्याधिकारी एन सी दाते होते. प्रमुख पाहुणे म्हणून माजी पंचायत समिती सदस्य हर्षवर्धन बाबा आत्राम, जिल्हा व्यवसाय शिक्षण व प्रशिक्षण अधिकारी,गडचिरोली वैभव बोनगीरवार, कोषागार अधिकारी पंकज मुधोळकर, औद्योगिक प्रशिक्षण संस्था अल्लापल्लीचे प्राचार्य सुरेंद्र भांडारकर, औद्योगिक प्रशिक्षण संस्था एटापल्लीचे प्राचार्य मनीष वाळके, राजे धर्मराव कला व वाणिज्य महाविद्यालयचे प्राचार्य डॉ मारोती टिपले, चाणक्य अकॅडमी अल्लापल्ली चे संचालक जुगल बोमावार उपस्थित होते.
पुढे बोलताना नव्या पिढीला परंपरागत शिक्षणाबरोबर काळाची पावले ओळखून नाविन्यपूर्ण शिक्षण घेणे गरजेचे आहे. देशाचे भवितव्य युवा पिढीच्या हातात आहे.त्यामुळे जिल्ह्यातील युवकांनी नोकरी मागणारे न बनता नोकरी देणारे उद्योजक बनावे असे आवाहन आ.धर्मराव बाबा आत्राम यांनी केले.
कार्यक्रमाच्या अध्यक्ष स्थानावरून बोलताना मुख्याधिकारी एन सी दाते यांनी व्यक्तिमत्त्वानुसार आपले करिअर कसे निवडावे याबाबत विद्यार्थ्यांना समजावून सांगितले. नुकतेच बारावीचा निकाल लागला,दहाव्या वर्गाचा निकाल लागणार आहे. मात्र त्यानंतर काय करायचं असा प्रश्न नक्कीच विद्यार्थ्यांच्या मनात असेल, आपल्या उत्पन्नाच्या दृष्टिकोनातून कुठल्या क्षेत्रात जायचं याबाबत योग्य मार्गदर्शन घेऊन आपला क्षेत्र निवडा.त्यासाठीच या शिबिराचे आयोजन करण्यात आले असल्याची माहिती त्यांनी दिली.
कार्यक्रमाचे प्रास्ताविक औद्योगिक प्रशिक्षण संस्थेचे प्राचार्य सुरेंद्र भांडारकर यांनी केले.सूत्र संचालन भाग्यश्री येरावार तर आभार महोरकर यांनी मानले. कार्यक्रमाच्या यशस्वीतेसाठी संस्थेतील कर्मचाऱ्यांनी परिश्रम घेतले.यावेळी विद्यार्थी मोठ्या संख्येने उपस्थित होते.
एकूण चार सत्रात होणार मार्गदर्शन
छत्रपती शाहू महाराज युवाशक्ती करिअर शिबिर एकूण चार सत्रात होणार असून पहिल्या सत्रात स्पर्धा परीक्षा मार्गदर्शन चाणक्य अकॅडमी आलापल्ली चे संचालक जुगल बोमावार करणार, दुसऱ्या सत्रात अहेरीचे मुख्याधिकारी एन सी दाते हे 10 वी 12 वी नंतर काय करायचे याबाबत मार्गदर्शन करणार, तिसऱ्या सत्रात व्यक्तिमत्व विकास व ध्येय निश्चिती या विषयावर राजे धर्मराव कला व वाणिज्य महाविद्यालय,नागेपल्लीचे प्राचार्य डॉ. मारोती टिपले करणार तर चौथ्या सत्रात करिअर कसे घडवावे याबाबत आर डी कॉलेजचे विभाग प्रमुख डॉक्टर राजेश सर योग्य मार्गदर्शन करणार आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
